ئامادەکردنی: بوار نورەدین
ئەم بەرهەمە بیبلیۆگرافیای گۆڤاری سلێمانی کەوتە ژێر چاپ. کە 832 لاپەڕەی پێوانەی وەزیرییە 17×23 سم و دوو بەشە:
بەشی یەکەم، بیبلیۆگرافیای نووسەرانە و بەپێی پیتەکانی زمانی کوردی (لە ئەلفەوە تا یێ) ڕێکخراون و بە فۆنتێکی جیاواز و تەنها یەک جار نووسراون، لە ژێر ناوەکانیشدا، بابەتەکان بەپێی بڵاوبوونەوەیان لە ژمارەکانی گۆڤارەکەدا بەم شێوەیە ڕیزکراون، ناونیشانی بابەت: ژمارە، مانگ و ساڵی گۆڤارەکە، ژمارەی لاپەڕە.
بەشی دووەم، بیبلیۆگرافیای بابەتەکانە و بەسەر 12 تەوەرەدا دابەشکراون و بەپێی پیتەکانی زمانی کوردی (لە ئەلفەوە تا یێ) ڕیزکراون، بابەتی هەر تەوەرەیەکیش، بەپێی پیتەکانی زمانی کوردی ڕیزکراون: ناونیشانی بابەت، ناوی نووسەر: ژمارە، مانگ و ساڵی گۆڤارەکە، ژمارەی لاپەڕە.
لە کۆتاییدا پێویستە سوپاسی ئەم بەڕێزانە بکەم:
د.هەڤاڵ ئەبوبەکر، خالید دۆسکی- وەزیری ڕۆشنبیری، هونەرمەند محەمەد فەتاح، کاک سامی هادی، کاک جەمالی دەلاک، کاک یاسین حسێن، کە بەرگەکەی دیزاین کردووە و هونەرمەند ئەحمەد سەعید، کە خۆشنووسیی ڕووبەرگەکەی نووسیوە.