$باکووری کوردستان$
- بە پێی ناوەندی بوومەلەرزەزانی لە ناوچەی سویرجەی شاری #خارپێت# کاتژمێر 10:02 بە قۆڵاتی 7 کیلۆمەتر لەژێر زوڤیەوە بوومەلەرزە ڕوویداوە. بە ئەنجامەکان زیانی گیانی درووست نەبووە. لە دیلۆک، مەڵەتی، #ئامەد#، #ئەرزەڕۆم# و #ڕوحا#ش هەستیپێکراوە. لە لایەکی ترەوە ڕاگەیەنرا، بوومەلەرزەکە هێزەکەی 5.1 بووە و 3، 8 کیلۆمەتر لە قوڵاتی زەویدا بووە. بوومەلەرزەکە ترسێکی زۆری لەناو خەڵکدا درووست کردووە و هاووڵاتییان ماوەیەکی زۆر لە کۆڵانەکان مانەوە.[1]
- لە کۆڵانی گەڤرانی گەڕەکی ئۆفیسی ناوچەی یەنیشەهیری ئامەد ژنێک بە ناوی دەنیز، ک. کە لە بینایەک دەژیا بەهۆی هێرشی چەکداریەوە کوژرا. ڕاگەیەنرا کاتێک منداڵە ساڵ و نیوەیەکی لە باوەشدا بووە، دەنیز، ک. کوژراوە.[1]
- لە شارەوانی ناوچەی قەرەیازی، تاتۆس و قەڕەقۆچانی ئەرزەڕۆم 15 ئەندامی ئەنجوومەنی #هەدەپە# لەلایەن ڕژێمی ئەنقەرەوە لە پۆستەکانیان دوورخرانەوە.[1]
- لەسەر بڕیاری پارێزگاری #جوڵەمێرگ# هاتوچۆ لە پێنج ناوچەی پارێزگاکە قەدەغە کرا، ماوەی قەدەغەکە 15 ڕۆژ دیاریکراوە لەو هەرێمانە کە ناویان نراوە هەرێمی ئاساییشی تایبەت.[4]
$رۆژهەڵاتی کوردستان$
- کاسبکارێکی کورد بە ناوی سەعدی سەفایی، خەڵکی #دیواندەرە#، لە جادەی ئەندیمشک بە تەقەی هێزە نیزامییەکان گیانی لەدەست دا. بە وتەی سەرچاوەیەکی ئاگادار، هێزە نیزامییەکانی حکوومەت لە کاتێکدا تەقەیان لەو کاسبکارە کوردە کردووە کە ناوبراو هیچ جۆرە شتومەکێکی قاچاخی پێ نەبووە.[7]
$باشووری کوردستان$
- گەنجێکی دانیشتووی #خانەقین# تەرمەکەی لەنێو ئاوی ڕووبارێکدا دۆزرایەوە و پێش فڕێدانی بۆ نێو ئاوەکە بەچەند گوللەیەک کوژراوە.[2]=KTML_Photo_Begin=https://www.kurdipedia.org/files/relatedfiles/2019/374875/0007.JPG=KTML_Photo_Alt=بوومەلەرزەیەک بە گوڕی 3.2 پلەی ڕێختەر لە دەڤەری ڕاپەڕین ڕوویدا=KTML_Style=width:30%;height:20%;float:right;=KTML_Photo_Target_Link=https://www.kurdipedia.org/files/relatedfiles/2019/374875/0007.JPG=KTML_Photo_End=
- لە ناوچە شاخاوییەکانی سنووری شارۆچکەی #ئامێدی# لە پارێزگای #دهۆک#، تا کاتژمێر 11:00ی ئەمڕۆ، 40 سانتیم بەفر باریوە.[2]
- بوومەلەرزەیەک بە گوڕی 3.2 پلەی ڕێختەر بە دووری نۆ کیلۆمەتر لە #قەڵادزێ# ڕوویدا و هاونیشتمانییان هەستیانپێکردووە.[6]
- لە ڕێگەی چەند گوللە کاتیۆشایەکەوە سەربازگەی کەیوان لەخۆراوای شاری #کەرکووک# کرایە ئامانج، هێزە ئەمنییەکانیش دەڵێن: دەست بەسەر ئەو ئۆتۆمبێلەدا گیراوە کە بۆردومانەکەی ئەنجامداوە.[2]
- لە ماوەی چل و هەشت کانژمێردا (40) سم بەفر لە #حاجی ئۆمەران# و ڕێگای هاملتۆن باریوە، کۆی گشتی بەفربارین لەگەڵ هاتنی وەرزی زستان تا ئێستا گەیشتۆتە (70) سم، ئەم شەپۆلەی سەرماوسۆڵە پلەکانی گەرمای بۆ 7 پلەی ژێرسفری سیلیزی دابەزاندووه، جووتیارانیشی لەدڵەڕاوکێی وشکەساڵی و کەمئاوی ڕزگارکرد.[3]
- ئێوارەی ئەمڕۆ جارێکی دیکە، بەفربارین ڕێگەی زینی وەرتێی داخست و هاتوچۆی لەنێوان سنووری ڕاپەڕین و ناوچەکانی #سۆران# و ڕواندز و #چۆمان# لەو ڕێگایەوە وەستاند.[3]
$رۆژئاوای کوردستان$
- لە #دێرک# بە هەزاران کەس بەشداریان لە پرسەی شەهید محەمەد حەمۆ بە نازناو سیپان #عەفرین# کرد.[1]=KTML_ImageCaption_Begin==KTML_StyleDiv=width:30%;height:20%;float:left;=KTML_ImageCaption_Target_Link=https://www.kurdipedia.org/files/relatedfiles/2019/374875/0006.JPG=KTML_ImageCaption_Title=بە هەزاران کەس بەشداریان لە پرسەی شەهید سیپان عەفرین کرد=KTML_ImageCaption_CaptionStyle=000000=KTML_ImageCaption_Caption=بە هەزاران کەس بەشداریان لە پرسەی شەهید سیپان عەفرین کرد=KTML_ImageCaption_End=
- ئەمەریکا هەوڵەکانی چڕ کردووەتەوە بۆ ئەوەی لایەنە ناکۆکەکانی کورد لە ڕۆژاوای کوردستان بگەنە ڕێککەوتن و بە یەکەوە ئیدارەیەکی هاوبەش درووست بکەن و وتاری سیاسییان یەکبخەن و نوێنەرایەتی خۆیان بۆ کۆڕ و کۆبوونەوە نێودەوڵەتییەکانی تایبەت بە پرسی سووریا یەکبخەن.[3]
- سوپای داگیرکەری تورک و چەتەکانی ناوچەی تل ڕەفعەت و گوندێکی عەین عیسایان بە تۆپ و چەکی قوورس تۆپبارانکرد.[4]
- کاروانێکی سەربازی ئەمریکا کە دەیان بارهەڵگری کەلوپەلی سەربازی و لۆجیستی لەخۆگرتووە سنوورەکانی هەرێمی کوردستانی بەرەو پارێزگای #حەسەکە# بەڕێوەچوو.[2]
$دەرەوەی کوردستان$
- 170 ئەندامی ئەنجوومەنی نوێنەرانی عیراق نامەی دەستلەکارکێشانەوەی سەرۆک کۆماری عیراق ڕەتدەکەنەوە. لە بەیاننامەیەکدا ئەندامانی ئەنجوومەن ڕایانگەیاند: ئێمە ئەو ئەندامانەین کە ئیمزامان لەسەر تایبەتمەندییەکانی سەرۆک وەزیرانی پێشوو کردوە، وە دوای ئەوەی نامەی دەستلەکارکێشانەوەی سەرۆک کۆمارمان بینی کە ئاڕاستەی ئەنجوومەنی نوێنەران کراوە، ئێمە بەتەواوی ئەو داوایە ڕەتدەکەینەوە.[5]
کوردیپێدیا، ڕۆژانە (بێلایەنانە) مێژووی کوردستان تۆماردەکات...