ئەمڕۆ پێنچ شەممە ڕێکەوتی 20-2-2020 لە شاری #سلێمانی# ئەنجومەنی سەرکردایەتی (ی.ن.ک). لە کۆبونەوەی خۆی بەردەوام بوو. دوای ساتێک وەستان بۆ گیانی پاکی شەهیدان لە کۆبوونەوەکەدا چەند تەوەرێک گفتۆگۆی لە بارەیەوە کرا.
1- سەرەتا وەفدی یەکێتیی کە سەردانی بەغدای کردبوو دواین پێشهاتەکانیان لە بارەی پێکهێنانی کابینەی نوێی حکومەتی عێراق خستەڕوو.
2- دۆخی #کەرکووک# و #خانەقین# و ناوچە دابڕاوەکان و تاوانی شەهیدکردنی چوار گەنجی کورد لە گوندی چەخماخەی شارۆچکەی دوبز خرایە بەرباس و لێکۆڵینەوە و چۆنیەتی چارەسەرکردنی ئەم دۆخە نالەبارەی لەم ناوچانە هاتووەتە کایەوە.
3- باس لەو دیاردە کۆمەڵایەتیانە کرا کە لەسنوری #هەولێر# ڕوویداوە کە دیاردەی قێزەونن و دەبێ لایەنە پەیوەندارەکان لە حکومەت چارەسەری گونجاوی بۆ بدۆزنەوە و ڕێگری بکەن لە دووبارە بوونەوەی ئەم دیاردانە.
4- لە بەشێکی تری کۆبونەوەکەدا گفتوگۆی تەواو لە بارەی پڕۆگرامی #یەکێتیی نیشتمانیی کوردستان# پەسەندکراوی کۆنگرەی چوارەم کراو و سەرنج و تێبینی زۆر خرایە ڕوو بۆ دەوڵەمەندکردنی وەک بەرنامەی کاری ڕێکخراوەیی و ستراتیجی یەکێتیی نیشتمانیی کوردستان تاکو کۆنگرەی پێنجەم.
#20-02-2020#