بۆ/سەرۆکایەتی هەرێمی کوردستان
بۆ/سەرۆکایەتی پەرلەمانی کوردستان
بۆ/سەرۆکایەتی ئەنجومەنی وەزیران
بۆ/لێپرسراوانی حزبی لە سەرجەم حزبە کوردستانییەکان
لە ئێستادا قەیرانێکی سەخت بەرۆکی هەرێمی کوردستانی گرتووە، و حکومەتی هەرێمیش هیچ پلانێکی بۆی نەبووە و تا ئێستاش وا نابیندرێت هیچ پلانێکی هەبێت. هەڵبەت زەرەر مەندی یەکەم موچە خۆران و خەلکی کەم دەرامەتن. حکومەت ناتوانێ بە 2 مانگیش نیو موچە دابین بکات بۆیە پێویستە پلانی خێرا و بەدیل دابرێژێت، و وەلە سەرەوە دەست پێ بکات بۆ خوارەوە بۆ ئەوەی هیچ نەبێ بتوانێ موچە لە کاتی خۆیدا بدات.
یەکەم: حکومەتی هەرێم پەلە بکات لە بچوککردنەوەی حکومەت، و چەند وەزارەتێک بکات بە یەک و هەیکەلی وەزارەتەکان و سەرجەم کابینەکە بگۆڕێت.
1- ئەنجومەنی وەزیران پێکبێت لە سەرۆکی ئەنجومەن و جێگرەکەی لەگەڵ 7 وەزارەت؛
2- خانەنشینکردنی ئەوانەی تەمەنی یاساییان هەیە، و کەمکردنەوەیان بە گوێرەی پێویستی؛
3-وەزارەتەکانی خوێندنی باڵا، پەروەرە و ڕۆشنبیری بکرێت بە یەک وەزات؛
4-وەزارەتەکانی تەندروستی و کاروباری کۆمەڵایەتی بکرێن بە یەک وەزارەت؛
5-وەزارەتەکانی ئاوەدان کردنەوە و کوشتوکاڵ و شارەوانی بکرێت بە یەک وەزارەت؛
6-#وەزارەتی ناوخۆ# وەکو خۆی بمێنێتەوە؛
8-وەزارەتەکانی پێشمەرگە و شەهیدان بکرێن بە یەک وەزارەت
9-هەموو وەزارەتەکانی هەرێم بکرێن بە یەک وەزارەت.
10-سەرجەم دەستەکانیش لە چوارچێوەی وەزارەتەکان دابەشبکرێن و هەڵبوەشێنەوە.
دووەم: پەرلەمانی کوردستان لە 111 پەرلەمانتارەوە بکرێت بە 51 پەرلەمانتار ڕێژەی بۆ دابنرێت بە پێی پارێزگا و ئیدارە سەرباخۆکان، 60 ئەندان پەرلەمان خانەنشین بکرێت بە پێی یاسا.
هەموو ڕاوێژکارەکانی پەرلەمان کەم بکرێتەوە بۆ 5 ڕاوێژکار، ئەگەر هەموو ئەو ڕاوێژکارانە هەن بۆ ئێستا هەرێمی کوردستان کەوتوەوەتە ئەم قەیرانەو!؟
سێیەم:پێشنیار دەکەم لە هەموو وەزارەتەکان 50000 هەزار فەرمانبەر خانەنشین بکرێن بەتایبەتی وەزارەتی ناوخۆ و پێشمەرگە بە مەرجێک 600000 هەزار کەمتر موچە وەرنەگرن.
وەهەر وەها کەم کردنەوەی سەرچەم ڕوێژکارەکانی حوکمەت و بەڕێوبەرە گشتیەکان لە سەرجەم وەزارەتەکان، بۆ ئەوەی موچەخۆران لە دڵەڕاوکێی موچە بکەون، وە پێویست دەکات بە کەم کردنەوەی کرێ خانوو و نرخی سوتەمەنی دابەزاندنی نرخی شتومەک، پێویستە حوکمەت پلانی خێراو باش دابنێت بۆ ئەوەی لەوە زیاتر قەیرانەکان قوڵ نەبنەوە خەلک برسی نەبێت.
مەلا ناسر
ئەندامی پەرلەمانی کوردستان
#24-04-2020#