دەقی ڕاگەیەندراوەکە:
حکومەتی هەرێمی کوردستان بە تووندی سووتاندنی ئاڵای کوردستان و هێرشی سەر بارەگای پارتی دیموکراتی کوردستان لە بەغدا شەرمەزار دەکات.
هەر جۆرە هێرش و دەستدرێژییەک لە لایەن هەر کەس و گرووپێکەوە بۆ سەر سیمبۆلەکانی هەرێمی کوردستان و حزبە سیاسییەکانی جێگەی قبووڵکردن نییە.
پێویستە حکومەتی فیدراڵ ڕێوشوێنی پێویست بۆ پاراستنی بارەگای حزبەکان و نوێنەرایەتیی وڵاتانی بیانی لە بەغدا وهەر شارێکی دیکە لە هێرشی هەر گرووپێکی لە یاسا دەرچوو بگرێتەبەر.
حکومەتی هەرێمی کوردستان بە مافی خۆی دەزانێت هەموو ڕێوشوێنێکی یاسایی و ڕێگەپێدراو بۆ پاراستنی هاووڵاتییان و دەستکەوتەکانی و ڕێزگرتن لە ئاڵای کوردستان بگرێتەبەر.
داوا لە حکومەتی فیدراڵ دەکەین، ڕێوشوێنی یاسایی بگرێتەبەر وهێرشکاران بە سزای خۆیان بگەیەنن تا ئەم جۆرە کردەوە دزێوانە دووبارە نەبنەوە.
حکومەتی هەرێمی کوردستان 2020/10/17[1]
⚠️ تێبینی: ئەم بەڵگەنامەیە کێشەی ڕێنووس و ڕێزمانیی هەیە، کوردیپێدیا بەمەبەست هیچ دەستکارییەکی نەکردووە!