ئەو خاڵانەی لە ڕاگەیەندراوەکەی یەبەشەدا باسکراوە:
-هێرشی ئاسمانی کاتژمێر 22:00ی شەوی 01-02-2022 دەستیپێکردووە و تاوەکو کاتژمێر 03:00ی سەرلەبەیان بەردەوام بووە.لە هێرشەکانیدا 21 شوێن بۆردومانکراون، بەڵام هیچ زیانێک بە هێزە سەربازیەکانی یەبەشە نەگەیشتووە.
-3 هاوڵاتی مەدەنی کە کاری بیرهەڵکەندنیان دەکرد شەهید بوون.
-جگە لە بارەگاکانی هێزەکانیان، شوێنێکی خەڵکی مەدەنیش بۆردومانکراوە و لەو شوێنە 3 کەس مەدەنی شەهید بوون و کەسێکیش بریندار بووە.
هەروەها ئەوەشی خستەڕوو کە هەوڵەکانیان بۆ ئاشکراکردنی ناسنامەی شەهیدان بەردەوامە، بەڵام بە پێی زانیاریەکانیان ئەو کەسانەی شەهیدبوون، لەپێناو خزمەتکردنی کۆمەڵگادا کاری بیرهەڵکەندنیان کردووە.
-فەرماندەیی گشتی یەبەشە لە ڕاگەیەنراوەکەیدا باسی ئەوەشی کرد کە هێرشەکان بۆ ترساندنی کۆمەڵگایە و وتی، گەلەکەمان هەموو ڕۆژێک لە کەمپەکان دەگەڕێنەوە بۆ سەر خاکەکەیان. بۆ ئەوەی ڕێگری لە گەڕانەوەی کۆچبەراب بکرێت، دەوڵەتی داگیرکەری تورک ئەم سیاسەتە قێزەونە و هێرش ئەنجام دەدات.
-لە کۆتایی ڕاگەیەنراوەکەی یەبەشەدا هاتووە، سەنگەرەکانمان پۆڵاییئاسا دروستکراون. پێویستە گەلەکەمان لە هێزی پاراستن پشتڕاست بێت. بەم شێوەیە هەموو هێرشەکانی دوژمن پووچەڵدەکرێنەوە. دوژمن ناتوانێت بێتە نێو خاکی پیرۆز.[1]