بابەت: هەڵبەست
نووسین: #سەیدی هۆرامی#
ئەم هۆنراوەیە، دەچێتە خانەی ڕېبازی ئەدەبی کلاسیکی کوردییەوە، شاعیر بە شێوەزاری گۊرانی- هۆرامی نووسیوە:
لە ڕووی ڕووخسارەوە ئەم تایبەتمەندییانەی هەیە:
1- بەکێشی عەرووزی عەرەبی نووسراوە.
2- هەموو هونەرەکانی ڕەوانبێژی بەگوێرەی پێویستیی هۆنراوەکە، تێدا بەکارهاتوە. (بەکارهێنانی وشەیەک، بۆ زیاد لەواتایەک).
3- سەروای یەکگرتوە پەیڕەوکراوە، واتە (یەکێتی سەروای پاراستییەوە)
4- یەکێتی بەیت و بابەتی پاراستوە. واتە هەموو هۆنراوەکە وایەکی هەیە و هەر دێڕەش واتای تایبەتی خۆی هەیە.
5- وشەی بێگانەی تێدا بەکارهاتوە، بە تایبەت وشەی (عەرەبی، فارسی و تورکی).
6- دووبارەکردنەوەی نازناوی شاعیر لە دوا دێڕدا، یا پێش دوادێڕی هۆنراوەکە.
$کۊساڵان وەشەن$
کۊساڵان وەشەن
کۊساڵان وەشەن، کۊساڵان وەشەن
میرزام سەیری هەرد کۊساڵان وەشەن
تەماشای جەرگەی «گوڵاڵان» وەشەن
سەیری سەربەرزان «عەوداڵان» وەشەن
پەی لانساران خاڵ خاڵش وەشەن
وەرواوی شیرین لاپاڵش وەشەن
شنۊی شاخەی ساز شەتاوش وەشەن
ڕۊ بېداریش وەش، شەو خاوش وەشەن
تەماشای نۆرۊز خاڵماویش وەشەن
کافۇریش، نیلیش، سېیاویش وەشەن
چۊپی کۊساڵان سێرانش وەشەن
سەدای «قاقبۊ»ی کەبکانش وەشەن
چە خاس جای گەشتەن، عبۇرش وەشەن
بۆی عەتر و عەبیر «چنۇر»ش وەشەن
«شۆبۊ»ی نازەنین، ئەشەد بۊش وەشەن
سارا و دەر و دەشت، کەش و کۊش وەشەن
وەشەن بۊی «سۊسەن» سەر کڵاوانش
وەشەن سەوزی فەرش پای گڵاوانش
وەشەن خرپەی پای پۊلی ڕەندانش
وەشەن شیرین خاو سای سەهندانش
وەشەن چەنی دۊس ڕۊ گېڵیش پێدا
وەشەن بیش هامڕاز شەوان جە جێدا
وەشەن چۇن بەهەشت ڕۇی سەر بیساتش
وەشەن، شیرینەن، عەیش و نیشاتش
وەشەن، خاس وەشەن سەیری وەهارش
فەسڵی نیسانش، مانگی ئەیارش
پەی کەسێ خاسەن میرزام کۊساڵان
چەنی یار کەرۊ سەیری گوڵاڵان!
هەر کەس چۇن سەیدی جە هېجران خەستەن
سەیری کۊساڵان کەی ئاوات واستەن؟
[1]