بابەت: هەڵبەست
نووسین: #سەیدی هۆرامی#
ئەم هۆنراوەیە، دەچێتە خانەی ڕېبازی ئەدەبی کلاسیکی کوردییەوە، شاعیر بەشێوەزاری گۊرانی- هۆرامی هۆنراوەکەی نووسی وە:
لە ڕووی ڕووخسارەوە ئەم تایبەتمەندییانەی هەیە:
1- بەکېشی عەرووزی عەرەبی نووسراوە.
2- هەموو هونەرەکانی ڕەوانبێژی بە پێی پێویستیی هۆنراوەکە، تێدا بەکارهاتوە. (بەکارهێنانی وشەیەک، بۊ زیاد لەواتایەک).
3- سەروای یەکگرتوە پەیڕەوکراوە، واتە (یەکێتی سەروای پاراستییەوە)
4- یەکێتی بەیت و بابەتی پاراستوە. واتە هەموو هۆنراوەکە وایەکی هەیە و هەر دێڕەش واتای تایبەتی خۆی هەیە.
5- وشەی بێگانەی تێدا بەکارهاتوە، بە تایبەت وشەی (عەرەبی، فارسی و تورکی).
6- دووبارەکردنەوەی نازناوی شاعیر لە دوا دێڕدا، یا پېش دوا دێڕی هۆنراوەکە.
$یاشێخ سەنعانم $
یا شێخ سەنعانم، یا شێخ سەنعانم
عاشق پەی تەرسا، من چوون سەنعانم
بێ باک جە تانەی مەناو مەنعانم
چوون «یەعقوب» داغدار پەی مای «کەنعان»م
وامق پەی عوزار زوڵف عەنبەرینم
فەرهاد جە حەسرەت خاڵی شیرینم
جە بەهرام بەدتەر من نمەد پۊشم
گوڵ ئەندام سەندەن فام چەنی هۊشم
مەجنوونی لەیلم، بېیابان گېڵم
عالەم مەزانان پەی لەیلۍ وێڵم
زەدەی گوڵ جەمین وەنەوشە خاڵم
ها جەلاش هۊشم، فیکرم، خەیاڵم
من چوون سالکان ڕای عەشقم دایېم
یا شێخ لاقەیدم جە لۆمەی لایم
نەواچان پی دەرد هەر من موبتەلام
سەد کەس ها چوون من بە ئایەی کەلام
هەزار کەس وەی تەور شێوەش ئی بازین
نیم بە حەقیقەت، نیم بە مەجازین
تا مەجاز نەبۊ حەقیق نمەبۊ
حەقیق بێ مەجاز تەحقیق نمەبۊ
ئەر حەقیقەتەن، ئەر مەجازییەن
دڵو من بە ئەو بەخوا ڕازییەن
گشت جە من فێشتەر حاڵشان فەنان
داخم هەر ئێدەن، هەر پەی من مەنان
گرد جە هام دەردی من حاشا کەران
سا خەڵقان بەیان تەماشا کەران
ئەر عاشق نەبان یەکسەر مەڵڵاو شێخ
فتوا بۊ سەیدی سەربڕان بە تێخ
[1]