ئاڤېستانە ئامان:
(گېرتەی ڕای ڕاسۍ، کۊشش کەردەی پەی بە دەسئاوەردەی زانستی، شۊنکەوتەو پیاخاس و دانایا، نماکەردەی پەی ئاهورامەزدای).
دېوپەرەسەکۍ (خەڵکی فریو مڎا تا قۊربانیشان پەی کەران، چوارپاکۍ (مەڕوماڵات) بەخششۍ و ناعمەتۍ خۊڎاینۍ پەی بەڼڎەکاش پەی کارئاسانی و فرەکەردەی نعمەتەکا، قۊربانی تەنیا لایېق و ئاهورامەزدای(خۊڎا)ی ویر و گفت و ڕەفتار خاسیەن، نەک پەرسای ئایېری و بتە سروشتیەکا.
ئاڤېستانە پەنج فەرزە نماکەردەی دیاری کریان، شەوو ڕوێنە پەنج جار نما فەرزە کریێنە(ساعب، نیمەڕۊ، عەسر، مەغریب، عیشا)
ئایېر (ئاتر) پیرۊزبیەن جە لاو زەردەشتیەکاوە، چونکم ئاهورامەزدای وەشکەردەن و سەرچەمەو ڕۊشنایی و گەرمی بەخش بیەن.(ئایېر، ئەی گەورەتەرین دیاری ئاهورامەزدای)
نامەکۍ ئاهورامەزدای (سەڎ نامۍ) جە ئاڤېستانە ئامێنۍ[بەخشندە، بېدار، هەرزیڼڎە، هەربیە، خاوەن شکۊ، زیڼەکەر، مرنەر، وەشکەر، تەنیا، نەوینیا، بۋین، داناتەرین، دادگەر، .. ...هتد ]
نیشانەکۍ ژەنۍ خاسۍ جە دینو زەردەشتینە (دامنە پاکی، زوان پاکی، پارېزنای سامانو یانەی، ڕېک و پېکی چەنی هامسەریش).
ئانەی یاگۍ سەرنجەو منەن: پېسە ئامان و نویسیان دین و زەردەشتی عەینو ماباقی دینە سەماویەکا پەڕەن جە ڕائەسپارۍ (التزام)ۍ دینیۍ پېسە پەنج فەرزەو نماکەردەی، خێرەو بەخشای، نیەت و گۊفتارو کرداری خاس، وېردو مەراسیمە ئاینیەکۍ، کەچی ئا کەسۍ جە ئیسەنە پاگەندۍ (ئیدیعا)و زەردەشتیەتی مەکەران هیچ پېوەڼیێ زیڼەشا چەنی ئەسڵو دینەکەی نیەن.[1]