بانگەوازی بۆ خۆپیشاندان
ڕۆژ بە ڕۆژ دەسەڵاتە سەرکوتگەرەکانی ئیمپریالستی جیهانی هەڕەشە لە شۆڕشی ڕۆژاڤا و دەسکەوتەکانی دەکەن و نا ئارامی و ناسەقامگیری لە کوردستان و ڕۆژهەڵاتی ناوین دەخولقێنن و درێژەی پێدەدەن، بۆ ئەمەش دەوڵەتی داگیرکەری تورکیان ئەرکدار کردوەوە و هەموو دەرفەتێکیان پێبەخشیوە بۆ دژایەتی و ڕووبەڕووبوونەوەی تەڤگەری ئازادیخوازانەی گەلی کورد، لە بەرامبەردا گەریلا ئازادەکانی کوردستان دەوڵەتی داگیرکەری تورکیایان بێ هیوا کردوە و سەرکەوتنی مێژووییان لە زاپ و مەتینا و ئاڤشین بەدەستهێناوە.
ئەمەریکا و ڕوسیا لەگەڵ زلهێزە نێودەوڵەتییەکانی دیکە کە ڕۆڵێکی بەرچاو دەبینن لە بار و دۆخی هەرێمەکەدا، بەردەوامن لە پشتیوانی و کۆمەکیەکی بێشوماری سەربازی بۆ دەوڵەتی تورک لە ڕێگەی هاوپەیمانی ناتۆوە و بە شێوەیەکی ناڕۆشن ترافیکی دیپلۆماسیان لەگەڵ ئەنقەرە دەستپێکردوە لە ڕێگەی ڕێکخراوە نێودەوڵەتییەکانەوە بۆ بەرژەوەندی ئیمپریالیستی خۆیان، سەرەڕای ئەوەش تێکۆشەرە ئازاکانی تەڤگەری ئازادیی کوردستان و گەلی کورد لە کوردستان سەربەرزانە تێدەکۆشن و بەرخودان دەکەن لە دژی فاشیزمی دەوڵەتی تورک، سەرەڕای بێدەنگی کۆمەڵگای نێودەوڵەتی لە بەرامبەر ئەو جۆرە سیاسەتە کۆمەڵکوژیە قڕکەر و چەوساندنەوانە و بە ئامانجگرتنی منداڵان و هاوڵاتیان و ژنان لە هێرشە دڕندانەکانیدا، فاشیزمی دەوڵەتی تورک بۆ شەرعیەتدان بە سیاسەتە خیانەتکارەکانی لە هەموو لایەکەوە تێدەکۆشێ.
لە لایەکی دیکەوە ڕووسیا کە خۆی لە شەڕێکی ساردی قووڵدا دەبینێتەوە لەگەڵ زلهێزەکانی ئەوروپا و ناتۆ لە قەیرانی ئۆکرانیادا، بەردەوامە لە پێدانی گڵۆپی سەوز بە فاشیزمی دەوڵەتی تورک بە بەردەوامی ئاسمانی ڕۆژاڤا واڵا کردوە بۆ تورکیا و ڕۆژانە کۆمەڵکوژی لەڕۆژئاوای کوردستان بە ئەنجام دەگەیەنێت
لەسەر ئەم بنەمایە، بانگەوازی کۆمەڵگەی کوردان و دۆستانی گەلی کورد و خەمخۆرانی ئازادی دەکەین کە بە بەرفراوانی بەشداری بکەن لەو گردبونەوە ناڕەزایەتیەی بۆ بەرگری لە ڕۆژاڤا و شۆڕشی کوردستان بەڕێوە دەچێت لە بەردەم کونسوڵخانەی ڕوسیا، کە ڕۆژی هەینی کاتژمێر 2:00ی پاشنیوەڕۆ ئەنجامدەدرێت، بۆ داواکردن لە مۆسکۆ کە ناوچەیەکی دژە فڕین لە باکوور و ڕۆژهەڵاتی سوریا (ڕۆژئاوای کوردستان) دابین بکات، لە هەمان کاتدا ڕێبگرێت لە سیاسەتی فراوانخوازی دەوڵەتی تورک لە کوردستان، شکاندنی بێدەنگی کۆمەڵگەی نێودەوڵەتی لە بەرامبەر کۆمەڵکوژییە بێشومارەکانی خەڵکی بێتاوان لە ژێر دەسەڵاتی ڕەشی ئەردۆغان
کۆمەڵەی گەلی کورد لە لەندەن
کۆمەڵەی ژنانی ژیان
تەڤگەری گەنجانی شۆڕشگێڕ لە بەریتانیا[1]
Time, Date & Address:
2PM, Friday 26 August 2022, 6/7 Kensington Palace Gardens, London W8 4QP
Nearest Tube stations:
(Gloucester Road (Piccadilly Line.
(High Street Kensington (Circle Line)