سەرۆکایەتی هەرێمی کوردستان ڕایگەیاند، یەکشەممە 18-09-2022، #نێچیرڤان بارزانی#، سەرۆکی هەرێمی کوردستان، لەسەر بانگهێشتی فەرمیی حکومەتی بەریتانیا، بۆ بەشداری لە ڕێوڕەسمی ماڵئاواییکردن لە شاژن ئێلێزابێسی دووەم، دەگاتە لەندەنی پایتەختی بەریتانیا.
لەم سەردانەیدا نێچیرڤان بارزانی لەگەڵ سەرکردە و ڕێبەرانی وڵاتانی جیهان، بەشداری لە ڕێوڕەسمی ماڵئاواییکردن لە شاژنی کۆچکردووی شانشینی یەکگرتوودا دەکات و لە ماوەی دوو ڕۆژی ڕێورەسمەکەدا ئامادەی کۆڕ و کۆبوونەوەکانی ئەو بۆنە فەرمییە دەبێت. [1]