کەمپی مەشق و ڕاهێنانی هەڵبژاردەی عێراق بۆ خۆ ئامادەکردن بۆ پاڵاوتنەکانی گەیشتن بە مۆندیالی 2018 لە ڕووسیا لە #هەولێر# کۆتایی دێت، سێ یاریزانانی کوردیش لە هەڵبژاردەکە مانەوە.
لەسەرەتای کردنەوەی کەمپەکەدا ڕازی شنێشل، ڕاهێنەری عێراق هەریەکە لە #بەیار ئەبوبەکر#، یاریزانی #یانەی وەرزشی دهۆک#، #میران خسرۆ# یاریزان و #دلێر حاتەمی# گۆڵپارێزی #یانەی وەرزشی هەولێر#ی بانگێشتی هەڵبژاردەکە کرد و دوای ماوەی 20 ڕۆژ مەشق و ڕاهێنان ڕاهێنەرەکە بڕیاریداوە بۆ سێ یاری دۆستانەی هەڵبژاردەکە هەرسێ یاریزانەکە لەگەڵ شاندی هەڵبژاردەی عێراقبن.
پێشتر میران خسرۆ، بەرووداوی ڕاگەیاندبوو زۆر دڵخۆشە بەبانگێشتکردنی بۆ هەڵبژاردەکە و بەڵێن دەدات ئەگەر دەرفەتی یاریکردنی پێبدرێت تواناکانی بۆ هەموو لایەک دەسەلمێنێت، بەهەمان شێوەی میران دلێر حاتەمی گۆڵپارێزیش دڵخۆشی خۆی بە بانگێشتکردنی بۆ هەڵبژاردەی عێراق ڕاگەیاند و گوتی(هەموو هەوڵێک دەخاتە گەر بۆ ئەوەی شوێنی خۆی لەهەڵبژاردەکەدا بکاتەوە)
عێراق لە درێژەی ئامادەکارییەکانی بۆ پاڵاوتنەکان سێ یاری دۆستانە ئەنجامدەدات و بەر لە بەڕێکەوتنیشی بۆ وڵاتی ئۆزباکستان بۆ دوو یاری دۆستانە لە بەغدا ئامادەکارییەکانی دەستپێدەکاتەوە. [1]