داستانۊ حەیدەری و سنۊبەرۍ
بەشۍ پەنجاو دوەمە
سنۊبەرە بەناچاری، پەی دلۍ کەژاوەکۍ لوا، ئیتر بازارو کشمیری چراخان کریا و کەژاوەو سنۊبەرۍ بە شاڎیی و چەپڵەڕېزان ڕاۋزیا.
سنۊبەر کېشا، ئاهێ نە دەروون
کەردش، وە بازاڕ، فەرهاد و مەجنوون
وە ناچار لوا، نیشت وە عەماریی
خېزا قواقووی خەڵکانی شاریی
چراخان، کریا، بازاڕی کشمیر
پەی شاڎیی دەماخ، ماهی جەهانگیر
سەڎای سەنج و ساز، ناڵەی کەڕەنا
مەنیشت بە گەردوون، بە چەرخی مینا
فەزا، جە ئاسمان، ئاما، وە پەرواز
قەدرێ مەڕەقسا، بە ئاهەنگ و ساز
وەلحاسڵ، ئەو ماﮪ، لوا وە پەردە
پەردەنشین بی، ئەو ناز پەروەردە
ئەوسا کە یاوا، بەردەن سنۊبەر
شیوەن کەوت، وە تاق ئەیوان و ئەخزەر
حەیدەر بەگ ساتێ تاسەش بەردەوە
مەگېڵا بە تاو، ژان و دەردەوە
چوون خۆر بەرئاما، نە تۊی گەنجینە
کەفت ئەو دمای کۊچ ئەو بېقەرینە
لوا، بە تەعجیل، پەی قاپی حەرەم
دیش، کە ڕاهبانان، کەردەنشان مەحکەم
مەوات: ئەو نازار، زاریش کەردەوە
قفڵی خەزانەش، دا بە گەردەوە
[1]