#قوباد تاڵەبانی#، جێگری سەرۆکی حکومەتی هەرێمی کوردستان نیگەرانە لەوەی لەسەر ڕووداوی هێز، هێنانە سەر ماڵەکەی سەرۆکی حکومەتی هەرێمی کوردستان پەیوەندی پێوە نەکردووە.
لە کۆبوونەوەی ڕۆژی سێشەممە، 8ی 11ی 2022، ئەنجومەنی سەرکردایەتی #یەکێتیی نیشتمانیی کوردستان#، قوباد تاڵەبانی، جێگری سەرۆکی حکومەت هەرێمی کوردستان نیگەرانی خۆی بەرانبەر #مەسرور بارزانی#، سەرۆکی حکومەت دەربڕیوە کە لە ڕووداوی هێنانی هێز بۆ سەر ماڵەکەی لە #هەولێر# لە ماوەی دوو هەفتەی ڕابردوو هیچ پەیوەندییەکی تەلەفۆنی لەگەڵدا ئەنجام نەداوە بە مەبەستی نیگەرانی دەربڕین و ئیدانەکردنی ئەو کارە.
هەر لەو کۆبوونەوەیەدا قوباد تاڵەبانی، نیەگەرانی خۆی لە پارتی لەسەر ئەو ڕووداوە دەڕبڕیوە و ئاماژەی بەوە کردووە، تەنها #نێچیرڤان بارزانی# لەسەر ئەو بابەتە پەیوەندی پێوەکردووە.
قوباد تاڵەبانی لەو کۆبوونەوەیە دا ئەوەشی خستۆتەڕوو، لە ڕووداوەکانی ئەم دواییەی وەک هێنانی دۆسیەی موراد کانی کوردەیی بۆ هەولێر و دانپێدانانی کەیسی کوشتنی هاوکار جاف و کۆمەڵێک دۆسییەی دیکە پرسی پێنەکراوە و بەبێ ئاگاداری ئەو کارەکان کراون، بۆیە نیگەرانە لەو دۆخە. [1]