$ڕاگەیەنراوی فراکسیۆنی سەوز لە پەڕڵەمانی کوردستان سەبارەت بە بریاری پەڕڵەمانی ئەڵمانیا بۆ بەجینۆساید ناساندنی تاوانی کۆمەڵکوژی ئێزیدیەکان.$
بێگومان تاوانی کۆمەڵکوژی کە دەرھەق بە خوشک و برا #ئێزیدی#ەکان کراوە لەلایەن ڕێکخراوی تیرۆرستی #داعش#، تاوانێکە دژی مرۆڤایەتی و تاوانی جەنگە و خەسڵەتی نێودەوڵەتی ھەیە ، ھەربۆیە بریاری ئەمڕۆی پەڕڵەمانی ئەڵمانیا سەبارەت بە جینۆساید ناساندنی تاوانی کۆمەڵکوژی دژ بە خوشک و برا ئێزیدیەکانمان بە ھەنگاوێکی گەورە و کاریگەریی دەزانین، وێرای سوپاسگوزاری و دەست خۆشیمان بۆ پەڕڵەمان و حکومەتی ئەڵمانیا بەگەرمی پێشوازی لەو بریارە مێژوویەی پەڕڵەمانی ئەڵمانیا دەکەین ، ھیوادارین وڵاتانی تریش ھەنگاوی ھاوشێوەبنێن، لە ھەمان کاتدا جەخت دەکەینەوە کە بەئەرکی حکومەتی فیدراڵی دەزانین ھەنگاوی پێویست بنێت بۆ قەرەبوکردنەوەی قوربانیان و کاری جدی بکات بۆ ئاوەدانکردنەوەی ناوچەکە و کەمکردنەوەی ئاسەوارەکانی تاوانی کۆمەڵکوژی خوشک و برا ئێزیدیەکانمان. [1]
فراکسیۆنی سەوز لە پەڕڵەمانی کوردستان
#19-1-2023#