لەو ڕاگەیەنراوەدا کە بەناوى #عەمید سەرحەد قادر# بەڕێوەبەرى پێشوى پۆلیسى شارۆچکە و شارەدێکانى #کەرکووک#ەوە بڵاوکراوەتەوە تێیدا هاتوە، جاسوسەکانى پاراستن ئێستا فێربوون زماندرێژیی دەکەن، تا پارە و دەمانچە و کڵاشینکۆفم بە دیاریی پێدەدان، ژەنەراڵ بووم، ئێستا لای ئەوان من هیچ نیم.
ئەوەش هاتووە، ماوەیەکە بەپێى زانیاریەکانم لەلایەن پەیامنێرە مشەخۆر و بەرتیل وەرگرەکان و ماستاوچییەکانی، کەناڵەکانی پارتی و یەکێتی کەوتومەتەبەر نیزەی بێویژدانیەوە.
لەو بارەیەوە سەرحەد قادر ڕایگەیاند، ئەوەى بڵاوکراوەتەوە هیچ بنەمایەکى نییە و دوور و نزیک پەیوەندیی بە منەوە نییە و لێشى بەرپرسیار نیم.
لەو ڕوونکردنەوەیەدا سەرحەد قادر تەئکید دەکاتەوە لەسەرئەوەى، ئەوەى بڵاوبۆتەوە پەیوەندیی بە منەوە نییە و بازاڕ گەرمکردنە بۆ لایک و کۆمێنت.
ئەوەشى وت: لەساڵى 2017شدا ئەو ڕاگەیەنراوە چەندجارێکى تر بڵاوکراوەتەوە هەر بەناوى منەوە، ئەوکات و ئێستاش #19-01-2023# جەختدەکەمەوە، پەیوەندیی بە منەوە نییە و دووریشە لەڕاستیەوە. [1]