ناونیشانی بابەت: ئازاری گورچیلە و هۆکارە سەرەکییەکانی چین؟
ئامادەکردن د. #دێراو سەعید عوسمان#

ئازاری گورچیلە یەکێکە لە ناڕەحەتترین جۆرەکانی ئازار، هەندێک کەس لەگەڵ ئازاری پشت و فەقەرات تێکەڵی ئەکات و پێی وایە کە ئازاری پشتی هەیە ، بەڵام ئەکرێت ئازارەکە هی گورچیلەکان بێت.
بە گشتی ئازاری گورچیلەکان لە بەشی سەرەوەی پشت درووستەبێت، وە ئازارێکی قوڵ و تیژە، هەندێجار ئازارەکە ئەگوازرێتەوە بۆ سک ، هەندێ جار ناوچەی سەرەوەی سمت ئەگرێتەوە.
$هۆکارە سەرەکییەکانی ئازاری گورچیلە ئەمانەن:-$
1- بەردی گورچیلە.
2- مانەوەی میز لە میزەڵدانا، کاتێک کەسەکە نەتوانێ بەتەواوی میزەڵدانی بەتاڵ بکات.
3- گەڕانەوەی میز لە میزەڵدانەوە بۆ گورچیلە، کە پێی دەوترێت (VUR) ، زیاتر لە منداڵ و گەنجانا باوە.
4- تەسکبوونەوەی ئەو بۆریەی کە میز لە گورچیلەوە دەگوازێتەوە بۆ میزەڵدان پێیەوترێت ، Ureteral stricture
5- هەوکردنی گورچیلە.
6- بوونی کیسی گورچیلە بەتایبەت گەر کیسەکان گەورەببن.
7- شێرپەنجەی گورچیلە.
8- بەرگەوتنی زەبرێکی توند بەناوچەی گورچیلە.
ئازاری گورچیلە نابێ فەرامۆش بکرێت، کەسی تووشبوو باشترە سەردانی پزیشکی پسپۆڕ بکات، بۆ دەسنیشانکردنی هۆکاری ئازارەکەو چارەسەری پێویست. [1]