وەفدیکی مەکتەبی ناوەندەکانی دەرەوەی #یەکێتیی نیشتمانیی کوردستان# کە پێکهاتبوو لە کاروان مهندس ئەندامی مەکتەبی ناوەندەکانی دەرەوە و هەڤاڵ دلێر ئەندامی ناوەندی یەکێتیی نیشتمانیی کوردستان لە ئەڵمانیا، سەردانی وەزارەتی دەرەوەی ئەڵمانیایان کرد و لەلایەن فرێدیک نیکۆلاس ئردت و ئامێلیا بلومن لێپرسراوی دۆسییەی ئێراق لە وەزارەتی دەرەوەی ئەڵمانیا پێشوازیان لێکرا.
لەو سەردانەدا پەیوەندییەکانی ئێراق و کۆماری فیدراڵی ئەڵمانیا، بەتایبەت دۆخی هەرێمی کوردستان و هەنگاوەکانی یەکێتیی نیشتمانیی کوردستان بۆ ئاییندە و پێداگریی یەکێتی لە چاکسازیی و خزمەتی ناوچەکە گفتوگۆیان لەبارەوە کرا، بەتایبەتی بارودۆخ و گرفتەکانی سنووری #سلێمانی# و #هەڵەبجە# و #گەرمیان# تاوتوێکران و بە گرنگییەوە ڕێوشوێنی چارەسەرەکان هەڵسەنگێندران.
هەر لەو دیدارەدا جەخت لە پشتیوانیی و پێداگریی یەکێتیی نیشتمانیی کوردستان کرایەوە بۆ ئەنجامدانی هەڵبژاردنێکی پاک و بێگەرد. [1]