لە ڕۆژی جیهانیی ژناندا بەڕێزەوە یادی هەموو ئەو ژنە ئازا و بوێرانە دەکەینەوە کە خەباتیان لەپێناوی یەکسانی و چەسپاندنی مافەکانی مرۆڤدا کردووە و ڕۆڵێکی کاریگەریان لە بەرەوپێشچوونی کۆمەڵگەدا گێڕاوە.
ژنانی کورد هەمیشە پێشەنگی بوارە جیاوازەکان بوون و لە ڕووداوە سیاسی و کۆمەڵایەتییەکانی گەلی کورددا ئامادەیی بەرچاویان هەبووە و جێدەستیان دیارە لە هەموو کایەکانی کۆمەڵگەی کوردیدا.
بەندە بە شانازییەوە هاوکار و پشتیوانتان دەبم لەپێناوی بەدیهێنانی مافەکانتان و بە کرداریش دژی جیاوازی ڕەگەزی وەستاوینەتەوە و ڕووبەڕووی بەربەستەکان بووینەتەوە. یەکێتیی نیشتمانیی کوردستان پشتیوانی هەمیشەیی ژنان بووە و بەردەوامیش دەبێت لە ڕەخساندنی زەمینەی لەبار و فراوانتر بۆ ژنانی کورد تاوەکو پەرە بەتواناکانیان بدەن و سەرکردایەتی حزبەکە بکەن.[1]
بافڵ #جەلال تاڵەبانی#
سەرۆکی #یەکێتیی نیشتمانیی کوردستان#
8ی مارس 2023