پانکە ئامێرێکی فێنککەرەوەی زۆر بەربڵاوە و بەکارهێنەرێکی زۆری هەیە، بەڵام پرسیای درووستکردووە کە ئایا هەواکەی هۆکارە بۆ ئەوەی نەخۆش بکەوێت وتووشی هەڵامەت و سەرمابوون ببیت یاخود کاریگەریی نییە.
بە پێی هەواڵێکی masrawy، ئەو کەسانەی پانکە بەکاردەهێنن، بۆ ماوەیەک تووشی ئازاری ماسوولکە و هەڵامەت دەبن، هەواکەی هۆکارە بۆ وشکبوونی دەم، لوت، ئاوکردنی لوت، سەرئێشە، ئازاری قورگ و تەنانەت پرخەکردن.

توێژینەوەکان دەریانخستوە، پانکە هیچ کەسێک تووشی ئەنفلۆنزا و سەرمابوون ناکات، تەنیا نیشانەکان خراپتر دەکات لەو کەسانەی کە خۆیان نەخۆشن.
لەگەڵ ئەوەشدا پانکە هۆکارێکە بۆ بڵاوبوونەوەی تەپ و تۆز، ئەگەر کەسێک هەستیاری بە تۆز هەبێت، تووشی ئاوکردنی چاو و لوت، خورانی قورگ و پژمە دەبێت.
هەروەها پانکە پێست و چاو وشک دەکاتەوە، ئەو کەسانەی بەکاریدەهێنن، گرنگە کرێمی شێدارکەرەوە بۆ پێست و قەترەش بۆ چاویان بەکاربهێنن.
بۆ ئەوەی بەهۆی پانکەوە تووشی ئازاری ماسوولکەکان نەبیت، باشترە ڕێگە نەدەیت ڕاستەوخۆ هەوای پانکەکە بدات لە تۆ، بەتایبەتی لە کاتی خەوتن. [1]