سلاڤ د ئێزدیاتیێ دە
ب پیرۆزی تێتە ناسین سلاڤ گەلەکە گرنگە د ئۆلا ئێزدیاتیێ دە و ڤیان و مەعریفەت و تفاق و سەربەستی ژ سلاڤێ پەیدادبن و سلاڤ سلاڤا خودێیە ژبەر هندێ سلاڤە پیرۆزە، ژ گرنگیا سلاڤێ ل هەموو جهێن پیرۆز مینا لالشا نورانی و مزارگەها و نیشانگەهێن خاس و بابچاکان سلاڤگەﮪ یاهەی، و هەر کەسێ بگەهتە جهێ سلاڤگەهێ دێ سلاڤێ کەت و گوهدار دێ سلاڤا وی ڤەدەن، کەسانێ سلاڤێ ل خەلکێ بکەت و سلاڤا خەلکێ ڤەدەت ئەو کەس خودێ ناسە و دل پاکە د ئێزدیاتیێ دە.
د ئێزدیاتیێ دە سێ 3 خێر د سلاڤێ دا هەنە، ئەو کەسێ بگەهتە جهێ سلاڤگەهێ و سلاڤێ بکەت سێ خێر راسەری وێ سلاڤێ ل خاترا سلاڤا خودێ پەیدا دبن و هەر کەسێ ئەو سلاڤ ڤەدا دێ دوو خێر بنە بەهرا وی و خێرەک دێ بۆ سلاڤکەری بت و هەرکەسێ گۆهداریا سلاڤێ بکەت و سلاڤێ ڤەنەدەت دێ دوو خێر ژ بەهرا وی بۆ سلاڤکەری زڤرن و دبنە سێ خێر بۆ سلاڤکەری و هەر کەسێ سلاڤێ ژ کەباری ڤەنەدەت ئەو دێ ل ناڤا خەلکێ دیاربت ب کەسەکی عنکار و بێ وەسفەت و کێم مەعریفەت.
دەمێ ئێک سلاڤێ بکەت دێ بێژیت: سبەها وە ب خێر یان هێڤار خێر یان چاخێ وە ب خێر، بەلێ ئەو کەسێ سلاڤێ ڤەدەت دێ پێژیت: گەلەک ب خێر و سەر چاڤان، لەوما هەکە ئێک کەس سلاڤێ بکەت و سەد کەس وێ سلاڤێ ڤەدەن دێ خێر گەهتە هەر سەدە و هەکە یەک کەس گۆهداریا سلاڤێ کربت و سلاڤێ ڤەنەدەت دێ دوو خێر ژ بەهرا وی ڤەگەرێن بۆ سلاڤکەری و ئەو کەسێ سلاڤ ڤەنەدای دێ ل بەر چاڤێن جڤاکی ئێتە ناسین ب کەسەکی کوبار و سەر هشک و کێم رێز .
ل دوماهیێ بارەک گول و نێرگز و رێز و سلاڤ ژ بۆ وە هەمووان - پیر خلات -[1]