Berxa Mi
Nustekar: Memê Koêkorta
Êdîtor: Ulku Bîngol
Çapa Yewine: Çille 2004
Çapxane: Evra
Herune : Almanya

MEMIKE MI, BERXA MI BANDE JOINE
Bao durumê to seno, halê to seno. Jû teyîbe Aydîn marè arda, tawa rê nêbena. Na teyîbe pie to arde, ma nézo senêna, nêzo veng cêna, nêcêna. Ma îndi vengê xo kenime ci. Lao, ti lewê mi de niya ke, ez to de qesê bikerine. Mi ti virana xo kerdêne, boya to bişantêne mezg u beyna xo. Mi qida u belaya to bukretêne. Mi ti kerda bine pérane Xiziré Khali; Eli, Şahê Merda, Çifteşehidé Evdileli. Mi destê to do destê İsa Ruhallahî. İsa, Heq nefs u sifetê xo ra virasto. Nae ra şik u şufê ma cira çino.[1]