ب دەستووری خودێ

ھەی ئادی میرۆ ئادی
توو دەرمانێ فؤادی
شێخێ منە شیخادی
سەد خۆسکا ب روحێ یا توو ژێ د بی رازی

***
چەند سەبەقێن پیرۆز ژ قەولێ شیخادی و مێرا :-

شیخادی خودانێ کەرەمێ
داھر بوو ل عەرەبێ
ل عەجەمێ

***
داھر بوو ل بەیت ل فارە
قەست کر ھاتە ھەکارە
لێ جەما دبون مێردارە

***
قەست کر ھاتە لالشە
گوھێ مێرا کەفت بوو گوش گوشە
مێر شەھیا بوون دل پێ بوون خۆشە

***
شیخادی ژ شامێ دھاتە
ل شەرقیا کر خەباتە
مەھمەد رەشا کر خەلاتە

***
خەلات کربوو مەھمەد رەشا
دا بوویێ ماشێ شەشا
ژ ئەو پاش کرە سەروەرێ مێرا

***
شیخادی ب خۆ سلتانە
ھەری ب ئەدەبە ھەری ب ئەرکانە
ئەوی جیێ مێرا نیشان دانە

***
ژ قەولێ پسێ جەمێ
چاکیا شیخادی ب کەلمێ
دێ ئاڤ دەرکەڤت ژ برکا زمزمێ

***
ل با مێرا بوویە مەعنی و چێڕە
چی یا مێرا دخواست شیخادی ئینابوو ژێرە
تزبی و وەکازێت ئەحمەد ئەل کبیر
ئینان دگەل پێلی و مەوجێت ئاڤێ رە

***

یا شیخادی ئەرکانا تە ئەرکانەکە چێ یە
بێ شک ھنەرا تە یاخودێ یە
نیشانەک ل باتە ھەبوو ئەو نیشان مەد ڤێ یە

***
دەستێ غالبی چێ یە
شیخادی بۆ مێرا دانا حەد و سەد و رێیە
دا مێر راست باژۆن پێ یە

***
ھنجیێ راست نەھاژۆت ب رێڤە
دێ ل وی بت تاری و شێڤە
زەبێنی دێ وی کێشنە د حەبسێڤە

***
ژ قەولێ شێخ شەعبانە
چاکیا شیخادی بۆ مێران دانە حەد و سەد و مجادە و چلەخانە
ژ ئەو پاش تەخت ژ عەردی ڤەگوھاست چۆ عەزمانە

***
ژ قەولێ شێخ جنێدێ بەغدێدی
چاکیا مێرا سوڕ ل وێ دی
ئەوژی ھنەر و کەرەمێ شێخێ ئادی

***
ژ قەولێ شێخ مووسێ عەنزەلی یە
چاکیا مێرا سوڕ ل وێ دی یە
ئەوژی ھنەر و کەرەمێ شێخێ ئادی یە

***
خەبەر ل عالەمێ گەری یە
دێ داھر بت سلتان شیخادی یە
مێرا زانی ژ ئەول و ئاخری ئەو کی یە

***
ژ قەولێ دەروێش قاتانی
شیخادی بەحرە ژێ دچن جۆی و کانی
خاس خاسن ل بەر نوورا رەحمانی
غافل دکۆرەنە چوو ژ رێیا حەق شیخادی نزانی
تەمامەتیا ڤی قەولی ل خودانی

***
یێ تەمام خودێ یە.
[1]