گەلاوێژ بگری شەوێ، ئاوساردەبن لەهەرکەوێ، دەست بەغارێ مێوێ، ترێی بخۆ بە لێوێ
لە ناوچەی خۆشناوەتیدا چەندین ئیدیۆمیان بەبن زاریدا هاتووە کە زۆر شیرین و پڕ گوزارشت و ئەزموونن وەکوو: (گەلاوێژ بگری شەوێ، ئاوساردەبن لە هەرکەوێ، دەست بەغارێ مێوێ، ترێی بخۆ بە لێوێ) ، لە دوای چلەی هاوینێ لەناو مانگی گەڵاوێژ، ئەستێرەی گەڵاوێژ بەدەردەکەوێت و هەڵدێت حسابگرەکانی کوردەواری پێگەیشتنی بەرهەمی مێو و ترێ و ساردبوونی ئاوی شەواوی کوندە و کوندەڵانان بەهۆی فێنک بوونی کەشوهەوا و درێژبوونی شەو و کوورتبوونەوەی ڕۆژ وردەوردە هەست پێ دەکرێت، خۆشناوەتیش ئەوەیان بە و ئیدیۆمە خستۆتەڕوو: گەلاوێژ بگری شەوێ، ئاوساردەبن لە هەرکەوێ، دەست بەغارێ مێوێ، ترێی بخۆ بە لێوێ.[1]