ڕاستی و ڕاستگۆیی د ئێزدیاتیێدا
ئاخفتنا ڕاست و دروست د ئێزدیاتیێدا کارەکێ پیرۆزە، هەر کەسێ دەرەو بکەت یان ژی نەبویا بێژت گونەهەکا مەزنە بەلێ هەر کەسێ ڕاستیێ بێژت ئەو کەسەکێ سەرفەرازە، دەرەو کرن دباوەریا ئێزدیان دا ئێکە ژ گونەهێن هەرە مەزن، ئەو کەسێ ڕاستیا بێژت هەردەم یێ کەیف خۆشە چنکو ژبلی راستیێ ئەو چ تشتا نابێژت و چوو تشت نینە ئەو ژێ ب ترست ژبلی خودێ، لێ کەسێ دەرەوین تنێ سەر شۆری بۆ وی کەسی یە و هەردەم یێ خەمگینە و دلێ وی هەر ب ترسەو ئەو دەرەوا وی کری دبتە بارەک گران لسەر پشتا وی و لدوماهیکێ هەر دیار دبت وەکی ئەم هەموو دبێژن وەریسێ دەرەوا یێ کوڕتە. ئێزدی دبێژن دەرەوین دوژمنێ خودێیە، ڕاستی ڕێیا خودێیە. چەند سەبەقە ژ قەولێ شیرێ ڕاستیێ لسەر ڕاستی و ڕاستگۆیێ؛

ب دەستووری خودێ

ڕما ڕاستیێ بگر پێشخۆڤە پاڤێژ
پشت خۆڤە مەنێر
ھەکە توی ماشخۆری ڕاست باژۆ وەرە شێر

***
ڕما راستیێ پالکە
پێش خۆڤە پاڤێژ بەر خۆڤە کالکە
ھەکە توی ماشخۆری ماشێ میرێ خۆ ل خۆ حەلالکە

***
وەکی تە سولی ھلانی یە
ڕما ڕاستیێ یە ب دەستی یە
ھەکە توی ماشخۆری تە ب حەلالی ماشێ خۆ ژ میرێ خۆ دڤی یە

***

بەحرا قودرەتێ مەوج و ھاوار تێ
ھەیام ھاتینە سەد ھەزار ئێک بار تێ

***
بەحرا قودرەتێ بار تێ نەبت خەلکێ زێڵم
زۆر مەرکەب بەستبون خەلکێ عێلم
ھەیام ھاتینە سەد ھەزار ئێک دێ مینت ساغ سەلیم سلێم

***

بەحرا قودرەتێ یە د جیدا
زۆر مەرکەب بەستبون خەلکەکی مریدا
ئەو مەرکەب یا سلتان ئێزیدا

***
بەحرا قودرەتێ یە مەزنە
زۆر مەرکەب بەستبون خەلکەکی مۆمنە
ئەو مەرکەب یا مەلک شێخ حەسەنە

***
یێ تەمام خودێ یە. [1]