واتەو چن نامدارێ سەرو موزیکی
واتەو چن نامدارێ زانشپەروەرێ و موزیکزانێ جە بارەو موزیکیەو:
(ویکتۆر هۆگۆ) : موزیک ئا چېوەیە ماچۊ کە نمەکریۆ وچیۆ و شاردەیچش نامومکێنەن.
(بێتهۆوێن) : موزیک جە مەژگەو هۆرمێزۆ و دلێ دڵینە منیشۆرە. موزیک جا یاگێنە مەێوە دەنگ کە دەم جە واتەی مەگنۆ. موزیک پېسەو وەرمێوەن کە من نمەتاو بژنەوش. موزیک پێوەنڎیدەروو لەش و ڕەوانین. موزیک مشۊ ئاویر وزۆ دلێ دڵوو پیایا و ھەرسی بارۆ چەمۍ ژەنا.
(البێرت ئاینشتاین) : من ئەر فیزیکزان نەبېیایانێ، بێنا موزیکزان. من فرەتەر جە چوارچېوەو موزیکینە ویر کەرۇۋە و ملو دلێ خیاڵا. من ژیوای وېم جە پێوەنڎی چەنی موزیکی وینوو.
(فریدریش نیچە) : ژیوای بە بۍ موزیکی هەڵەن.
(لێئۆ تۆلستۆی) : موزیک قەوارێوی پۆختەو هەستین.
( باب مارلی) : یۊ جە خاسیەکاو موزیکی ئانەن کە وەختێو گېرۆتەرە، هەست بە ئێش و ئازاەکات نمەکەری.
(ڕۆبێرت شۆمان) : ئەرکوو هۆنەرمەندی واستەیەو ڕۊشنایین پەی دلێ دڵی تاریکو ئانزانی.
(ئیفلاتوون) : عانێو کە شێوازوو موزیکوو خەڵکێو فاڕیۆ، خەڵکەکەیچ وېش شۊنیشەرە فاڕیۆ.
(سرۆڤ نیکاڵایویچ) : موزیک دلێ گردو هۆنەر جوانەکانە، جوانتەرینشانە کە گردو سرووشتی گېرۆوێ. ئەر تەنیا هۆنەر نامېش بنیەیمێ، جە ئێژایش کەمما کەردەنەو.
(موسرسگی) : بە پەیلواو من شۊنەماو موزیکی سەرو گرد کەسېو، وجووڎێو تازەتەر چا کەسەیە وەش کەرۊ کە وجووڎێو عالتەر جە کەسە وەڵێنەکو وېشەن.
(سێن سانس) : موزیک زوانی هەقەتینی جەهانین. موزیک هۆنەروو ئەقڵە چەوت و ئەسیرەکا نېیەن، بەڵکوو هۆنەروو ئازاڎتەرین و عازاتەرین ئەقڵەکان. موزیک هۆهویەوەن پەی یۆگېرتەی و ئەنەیاوای خەڵکی جە یۆی.
(ئەرەستوو) : موزیک حێکمەتېوەن کە مرۊڤ نمەتاۋۊ بە قسێ واچۆش، پەوکەی پەنا بەرۆ بە موزیکی تاکو بتاوۆ چا ڕایوە بەرش وزۆ.
موختار کەریمی.[1]