دەمەتەقێوە سەرو ڕۊمانەو چنارەی
بەشۍ: چوارەمە
چنارە جە ڕوەی هونەریی و تەکنیکیۆ
چی چنارە؟
نویسەر یان حیکایەتوان بڕیٛجار گەرەکشا وانەری کونجکاوتەر کەروٙ و ناچارش کەروٙ بە ویرۆکەردەی یان بە ئەنقەس سەرش وەنە شیٛونوٙ پەی ئانەی نەگنوٙ وەڵی ڕووداوەکا و کریڵو بەرەو ڕازە شاراوەکا نەیەزوٙوە، بەڕاو من هوٙرچنیه و چنارەی هوٙرچنیوٙ بەیاگیٛن، چوونکە وانەر مەجبوورا دەگا بەدەگا و شوٙن بە شوٙنو هۆرامانی گیٛلوٙ پەی ئانەی بزانوٙ چنارە کوٙگەن یان ئەر وجودی هەرەقەتینش نېیا سیمبولو کام دەگایا.
تەرح و دیزاین یان ڕووبەرگو چنارەی :
بەڕاو من ڕووبەرگو چنارەی تاویٛ زەریفتەر و گونجاوتەر بوٙ چانەی کە هەن، کە چنارەی وانیۆ یان دەمو ڕاوییۆ وەسفش مژنەوی، یەکسەر دەگاو شوٙشمیٛت میٛ وەرو چەما کە کوٙتیٛنە دلیٛ باخ و باخاتیٛوی وەشی، بەڵام ڕو بەرگو کتیٛبەکەی چیٛویٛ تەرما پنە نیشانە مدوٙ کە دوورما وز‌وە چا تەسویرە زیهنیە لاماوە دروس بییەن.
ڕەفعەت مورادی.[1]