فستیواڵوو دەنگو هەورامانی

یۆ جە ئەنجومەنە گۊرانەکانوو شاروو سنەی جە ساڵەگەڕوو ڕووداوە تاڵەکانوو سنەینە گەرەکشەن بەرنامۍوە شاڎ و پەڕ جە گۊرانیێ چیروو نامۍ فستیواڵوو دەنگو هۆرامانی ڕۊ دیاروو (13) و پەنجشەممەو ئی مانگێ بەرۆ ڕاوە تاکو پی جۊرە دلێ سیاسەتوو عادی سازی ڕژیمێنە ئەرکوو وېش بەردەبۆش ڕاوە.
ئی ئەنجومەنە و ڕاوەبەرەکېش کە زووتەر وېشان پېسەو دار و دەسەو گۊرانیزمی دیاری کەردەن و ڕۊڵەی گەورەشان بېیەن جە تەفرەقە و دووبەرەکی وەش کەردەی دلێ هۆرامانی و کوردەوارینە دیسان پیلانەیتەرشان نیانەرە پەی خزمەت بە سیاسەتەکانوو جمهووری ئێسلامی.
شایانەن بواچمێ ئەهالی هونەر و ئەدەبوو هۆرامانی وریاتەر چانەینێ بگنانێ دلێ ئی پیلانێ و ئانێچە نەزانانشان ئینە پیلانەن مەوۆ هاگاڎارێ بکریانەی تاکو پېسەو باقی بەرنامەکانشان بایکوت بکریانی.
بەهار بەهرامی.[1]
.