سەفەر
سەرو دیواروو ڕەنجیوە، نیابێما گوڵوو یاسی
نېشانێبۊو هەناسەیش خۆ، نەڎەیبێما بە نەژناسی
ئەچوو کۆنجوو بېیەیمانە، نیەیبێما ڤلەی سوورە
بلاکنەیما خەزان و مەرگ، نەبۊ یاگێ جەڕ و باسی!
وەڵاتی سەرکەشو ڕۊحیم ڕوەی داخۆم جیا بازی؟
وزی بۍ ناز هەراڵانێ، کە سوور مدرا سەرو کاسی
کۊساڵان و نەرێش بانێ دلێ مڼە گڕە گېرا
ڕواسێ با و بڎا دەورم، هۆرم پاچۆ دەسو داسی
بە ئاهێوەم، وەراوەرمۆ کۊ تەختیبۊ کە تاویۊوە
مرۊ قیبلێ، دەلاقێ گرد نەسیبشابۊ گێجی و کاسی
گەناوەی بوو، سەرو حەوزیم، سەیێ عەسریم سەرە بڕیا
پېشە و پۆسیم کەرا قسمەت بە ئارامی و بە وەسواسی
وەتەن بوونە و چەنەم دزیۊ، کوێ و هانێ و دەر و دەشتم
هەتا ڕەمنوو خەمی حیزی، خەمێم بانێ بە زاپاسی
هێنەت هۆرئارد، ژوان سیروان ئەر مدرۆوە یاگەینە
دلێ وېشنە مرۊ کەم کەم، مەزانوو تر درۆ و ڕاسی
وڕانېرە و چەنی هەرسەی یەواش واتم: ملی تاکو بی؟
چەمېت واتشا: چکۆ باروو ڕەوایاتی ئەپی خاسی؟
لوای، هێمن قەڎەم بنیە! نەکوو مەینەت زەلەمیۆوە
هەزار هومێڎە بێ‌عارۍ، نەکوو بانێ وەنەم عاسی.
ژوان.[1]