ئەو خانمانەی بڕیاریانداوە ژیانی تەنیایی هەڵبژێرن، کۆمەڵێک هۆکار یان مەبەستیان هەیە لەو بڕیارە، هەر بۆیە کاتێک خانمێک دەبینیت سینگڵە و هاوسەرگیری نەکردووە، باشترە ئەم وشانە بەکارنەهێنیت.

=KTML_Bold=نیگەران مەبە، کەسێک دێتە ژیانتەوە=KTML_End=
دەکرێت ئەو خانمە بەو ژیانەی کە هەیەتی بە تەنیا، دڵخۆش بێت، هەر بۆیە باشترە دڵنەوایی نەکەیت وەکوو ئەوەی خەم بخوات بەو دۆخەی.
=KTML_Bold=بیرت لەوە کردووەتەوە ژوان ببەستیت؟=KTML_End=
ژوان بەستنی کەسێک هەڵبژاردنە لە دەستی خۆیدا، باشترە لەوبارەیەوە هیچ پرسیارێکی ئاڕاستە نەکەیت.
=KTML_Bold=هاوسەرگیری بکە، ژیانێکی زۆر خۆشە=KTML_End=
مەرج نییە هەر خانمێک تەنیا بە هاوسەرگیریکردن ژیانی خۆش بێت، دەکرێت خۆی بە هەوڵەکانی خۆی و پشتبەستن بەخۆی ئەو ژیانە بۆ خۆی دابین بکات کە دەیەوێت.
=KTML_Bold=ئەگەر من لە جێگەی تۆ بوومایە، هاوسەرگیریم دەکرد=KTML_End=
بیرکردنەوەکان جیاوازن لەبارەی ژیانەوە، هەر بۆیە کاتێک تۆ بڕوات بەوە هەیە هاوسەرگیری بکەیت، ڕێز لەوە بگرە کە دەکرێت بەرانبەرەکەت بە جیاوازی بیربکاتەوە.
=KTML_Bold=کات تێدەپەڕێت=KTML_End=
لە ڕاستیدا ئەم وشەیە زۆر بەو خانمانە دەوترێت کە هاوسەرگیریان نەکردووە و ئەمەش زۆر دڵتەنگیان دەکات، پێویست نییە بیری بەرانبەرەکەت بهێنیتەوە کە کات تێدەپەڕێت، خۆی ئاگاداری کاتەکان هەیە.
=KTML_Bold=کار کاتێکی دیکە دەبێت، بەڵام منداڵ هەموو کات نابێت=KTML_End=
کاتێک خانمێکی ژیانی پیشەیی پێش هاوسەرگیری هەڵدەبژێرێت، لە ئەنجامەکەشی ئاگادارە، هەر بۆیە پێویست نییە پێی بڵێیت، ڕەنگە بە وشەکانت برینداری بکەیت. [1]