کورد دلۍ چەرخەکا تاریخینە
بەشۍ: سەڎ و پەنجا و یەکەمە
نویستەی: #هاوڕێ باخەوان#
ساڵەو (1832ز): چن تۊمارێ پېوەس ئەپی ساڵېوە پەی ئېمە مەنېنێ:
* هېرشو میرو سۆرانی پەی سەرو ئاکرێ و بە دیل گېرتەی میر سەید پاڎشای میرو بادینانی.
* پاڎشاو کۆرەی دمای ئانەی میرنشینو بادینانیش داگیرکەرد، میر ڕەسولی براش کەرد بە میرو ئامێدی.
* ئەچی ساڵېنە چن نامێ میانو پاڎشاو کۊرەی و محەمەد عەلی پاڎشاو میسری فاڕیێنێ، دژو دۆڵەتی عوسمانی.
* قازی فەتاح، برا گولانەو باباو پېشەوا قازی محەمەڎی ئەچی ساڵېنە ئامان دنیا.
* حەمە ئاغای دەربەڼ فەقەرە ئەچی ساڵېنە کۊچی دمایینش کەردەن.
* عەلی بەگ، ڕابەرو ئایینو یەزیدیەکا دلۍ گەلو عەلی بەگینە کوشېیان، نامۍ گەلییەکەیچ هەر بە نامۍ ئاڎیۆ نریان.
* هېرشو میرو سۆرانی پەی سەرو بەعشیقەی و بە دیلگېرتەی میرو یەزیدییەکا و دمای دۋۍ ساڵا دلۍ ڕەواندوزینە کوشتەنش.
* تاریخو (15-03-1832ز) پاڎشاو کۊرەی هېرشش کەردەن سەرو ئێزیدیەکا و دماتەر ڕوەو شارو (ئەلقۆش)ی کۆتەن ڕا.
* تاریخو (11-05-1832ز) جەنگێ میانو میرو ڕەواندوزی و سوپاو ئێرانینە ڕوەشدێنە، هېزەکۍ سۆرانی هېرششان کەردەن سەرو ناوچەکانو لاهیجانی و مهابادی، بەڵام والی ئەردەڵانی چېرو پەنەوازی فەتح عەلی شاو قاجارینە، وەرگیریش کەردېنۍ و نزیکەو هەزار سەربازاش چەنە کوشتېنۍ.
* مانگەو (07-1832ز) ئیبراهیم پاڎشا کوڕو والی میسری، وەختێ ئاما پەی شارو (حوموس)ی جە سوریا، نامێوەش کیاستە پەی پاڎشاو کۊرەی پەی زیاتەر تڼ و تۊڵ کەردەی پېوەڼییەکاشا.[1]