دەربازە ژنیۆ، وەلێم دەمو خەڵکی نمەژنیۆ
ڕوێ کوڕێوە جوان ملۆ لاو عالمێوە و ماچۊ: چەنی کناچێوە قەوڵ و قەرارما دابێ وازووش، بەڵام ئیسە جە هەرکەسی پەرسوو دۮانۍ خەیریش مەنیۆ پۊرە، عالمەکەیچ ماچۊ: گۊش بە قسا خەڵکی مەۮە و وازەش! جوانەکەیچ ماچۊ: قوربان ئێڼە قسێشا کەردێنێ هەرچن قەوڵیچم دان، بېزیەینەم، عالمەکەیچ ماچۊ: مادام چانەنبۊ هەتا کناچێوە زەریفە و ماقووڵەو عالەم هەنە و تاکو ئیسەیچ بەرەنە نەزیەینەرە مفتە مارەت کەروو پەی، وەلێم پا شەرتێ بلی دلۍ خەڵکینە واچی: کناچی فڵانەکەسی ماروو! دوێ حەفتێ دماتەر بۊوە تاکو دەوت.
کوڕە جوانەکەیچ ملۆ چیلاو چۆلاوە قسەکێ درکنۆ و دماو دوێ حەفتا مەیوە پەی لاو عالمی، عالمیچ ماچۊ: حازرنی کناچەکێت دەو؟ جوانەکەیچ ماچۊ: قوربان سەۮ ڕەحمەت لاو وەڵینەکێ، دەربارەشەو نمەزانی چېش ماچا؟ قسێ چانێ کەرا دۮانێ مارا ڕېزا! عالمیچ کەرۊوە جواب: ڕۊڵەگېیان، لوە هەر ئاکناچۍ قەوڵت دەینە پەنە بارەش، ئانە واتم با بزانی ئیمانوو مەردمی چەنینا؟ من تەنیا کوڕێم هەنێ کناچېم نېیەنە.[1]