کورد دلۍ چەرخەکا تاریخینە
بەشۍ: دوەسەڎ و پەنجا و ششەمە
نویستەی: #هاوڕێ باخەوان#
ساڵەو(1914ز.):
* مانگەو(08) ئی ساڵېنە، جاشەکۍ ئەڵمانیا و تورکیای، کۆتۍ وەڵاکەردەیۆ پاگەڼا دژو ڕووسەکا دلۍ کوردەسانینە، تاواشان سمکۆی بکەران بە لاگیرو وېشان.
* تورکیا پەشتگیری ئەڵمانیایش کەرد دلۍ جەنگی جەهانی یەکەمینە، بە پاو قۆلنامێ پەنهانی میانیشان.
* مانگەو (09)ئی ساڵېنە، عەبدولسەلام بارزانی بە یاردی چن خېڵێ جە کوردەکا بە دەسو عوسمانییەکا گېریان.
* مانگەو(09)ئی ساڵېنە، کوردەکۍ سەرنیشتی پەلامارەو سنوورو ئێرانیشان دا.
* مانگەو (09)ئی ساڵېنە، باڵیۆزو تورکی جە تاران ناڕازیبیەی وېش وەراوەر بە ڕەفتارەکانو سمکۆ و عەبدولڕەزاق بەدرخان و شېخ عەبدولسەلام بارزانی دژو تورکی نیشانەدا.
* تاریخو (#20-09-1914#ز.) بە فیتۍ تورکی کوردەکۍ هېرششان کەردەن سەرو وەرکۆتو کوردەسانی کە ڕووسەکېش چەنە بیېنۍ.
* مانگەو (10) ئی ساڵېنە، هېزو دوەمو سوارەی کوردی کە سەر بە تورکەکا بېنۍ، (200) بەرزە وڵاخېشا بیېنۍ.
* مانگەو (10) ئی ساڵېنە، یەرۍ ئەفسەرۍ ئەڵمانیۍ لوێ پەی لاو شېخ عەبدولقادری و پەنەشان واتەن: گەر پەشتەو هېزەکانو ئەڵمانییای دژو ڕووسیای بگېرۊن، ئانە (30) هەزار تفەنگېش پەنەمڎان، مەشقکەرېچش پەی مەکیانان پەی فېربیەی چەکەکا، بەڵام شېخ هیچێ چامنەش نەڎا دەسۆ.
* مانگەو (10) ئی ساڵېنە، جەنگی پارتیزانی دلۍ وەرکۆتو کوردەسانینە دەسش پەنەکەرد دژو هېزەکانو ڕووسی.[1]