ساڵی بیست و پێنج بە نەقڵی خەبەر
لەسەر تەحریکی ڕۆمی بەد ئەسەر
بە هێزی سوپای «قُسطَنطَنِيّه»
پەیمانی شکاند ئەسکەندەرییە
عەمری کوڕی عاس مەردی بە حیکمەت
فەتحی کردەوە بە هێز و قووەت
عەهدیان شکاند ئازەربایجان
گرتیەوە وەلید وەکوو پاڵەوان
هەر لەم ساڵا بوو کە موعاوییە
فاتیح بوو بە زۆر بۆ «عموريّه»
لەم ساڵا ناردی عەمری داهیە
«ابن ابي سرح» بۆ «افريقيه»
هەر لەم ساڵا بوو عوسمانی سابیر
ناردی بۆ «کابول» «عبداللّه»ی عامیر[1]
هۆنەر: #مەلا عەبدولکەریمی مودەریس#
پەرتووکی: #بارانی ڕەحمەت#