یارییەکانی جەولەی دووەم لە قۆناغی دووەمی خولی نایابی تۆپی پێی یانەکانی ئێراق دەستی پێ کردوو لە یەکەم ڕۆژی یارییەکانی ئەو جەولەیەشدا و لە کۆمەڵەی یەکەمی یانە بەشدارەکان، کوڕانی پیشمەرگە لەنێو هاندەرانیاندا و لە کەشێکی باراناوی دا میوانداریان لە یانەی شەرگات کر .
یارییەکە کاتژمێر 3:00 ی پاش نیوەڕۆی ڕۆژی هەینی #22-03-2024# و لەسەر یاریگەی فەرماندەیی تایبەت بە یانەی وەرزشی پێشمەرگە بەڕێوەچوو، هەر لە سەرەتای گێمی یەکەم یاریزانە پێشمەرگەکان، پێشمەرگە ئاسا کۆنترۆڵی یاریگەیان گرتە دەست و تا لە خولەکی 27ی ناوەڕاستی ئەو گێمەدا، (شەعبان مەحمود) گۆڵی یەکەمی تیمەکەی تۆمار کرد.
ئەمە و لە هەمان گێم و لە خولەکی 32 (ئیبراهیم محەمەد) توانی گۆڵی یەکەمی خۆی و دووەمی پێشمەرگەکان تۆمار بکات و ئەو گێمە بەو ئەنجامە و بە دوو گۆڵ لەبەرژەوەندی تیمی خاوەن یاریگە کۆتایی هات.
=KTML_Bold=گێمی دووەم=KTML_End=:
ئاست بەرزی یاریزانانی پێشمەرگە لە گێمی دووەمدا بە باڵادەستی مایەوە و لە خولەکی 56 یاریزانی پیشەگەر، (ستیڤن سارفۆ)، گۆڵی سێیەمی تیمەکەی پێشمەرگەی تۆمار کردوو هەرچی لە خولەکی 73 بوو دووبارە (شەعبان مەحمود) گۆڵی دووەمی خۆی و دوا گۆڵی یارییەکەی کردوو ئەنجامی کۆتایش بە 4 گۆڵی خاوێن لە بەرژەوەندی کوڕانی پێشمەرگە کۆتایی هات.
بەو سەرکەوتنەی تیمی تۆپی پێی یانەی وەرزشی پێشمەرگە توانی کۆی خاڵەکانی بۆ 22 خاڵ بەرز بکاتەوە و لە پلەی دووەمی ڕیزبەندی کۆمەڵەی یەکەمی یانە بەشدارەکان بە جێگیری مایەوە.[1]