شارەدێی دارەتوو سەربە پارێزگای #هەولێر#ە و ژمارەی دانیشتوانەکەی (35.037) سەره. ئەم شارەدێیە دەکەوێتە باشووری ڕۆژهەڵاتی هەولێر بە دووری 5.2 کلم، 20 گوند لە خۆ دەگرێت و سەربە شارۆچکەی دەشتی هەولێرە، ناوی شارەدێی دارەتوو وەرگیراوە لە ناوی گوندی دارەتوو کە ئەم گوندە لە بیرێک و چەند دار توویەک لە دەوری پێک بەڵام ڕژێمی بەعس لە 20-04-1987 ئەم گوندەی وێران کردووە و لە نزیکی کۆمەڵگەی دارەتووی دامەرزاند کە دانیشتووانەکەی زۆربەی خەڵکی #کەرکووک#ن، لە 03-04-2002 ئەم کۆمەڵگەیە کرا بە شارەدێ لەلایەن حکومەتی هەرێم، خەڵکەکەی خەریکی جوتیاری و بازرگانین و باری ئابوورییان باشە، سنوورەکانی شارەدێی دارەتوولە لای باکووری شاری هەولێرە لە ڕۆژهەڵاتی شارۆچکەی دەشتی هەولێر (بنەسڵاوە) و لەلای باشووری شارەدێ قوشتەیە ئێستاش 30% ی خەڵکی گوندەکان گەڕاونەتەوە بۆ زێدی خۆیان و ئەم گوندانەش تا ئێستا ئاوەدان نەکراونەتەوە، (بێستانەی بچووک، دارەتووی پێشوو، کونە گورگ) ، لەم ناوچەیە چەند کارگەیەک هەیە دەکەوێتە سنووری (کارگەی غاز و کارگەی بەفر) .
This item has been written in (کوردیی ناوەڕاست) language, click on icon
to open the item in the original language!
ئەم بابەتە بەزمانی (کوردیی ناوەڕاست) نووسراوە، کلیک لە ئایکۆنی
بکە بۆ کردنەوەی بابەتەکە بەو زمانەی کە پێی نووسراوە!
This item has been viewed 12,638 times