لەدایکبووی ساڵی (1948)ە، لەساڵی (1968)دا، سەرۆکی بزووتنەوەی گەنجانی چەپڕەو بووە لە کۆلێژی زانستە سیاسییەکان. دوای دەرچوونی لە کۆلێژ لەساڵی (1970) بۆ ماوەیەکی کەم لەهەمان کۆلێژدا وانەبێژ بووە، لەهەمان ساڵدا تورکیای بەجێهێشتووەو پەیوەندیی بە بزووتنەوەی بەرەنگاریی فەلەستینییەوە کردووەو پەیوەندییەکی توندوتۆڵی لەگەڵ یاسر عەرەفاتدا هەبووە، دواتر وەک پەنابەری سیاسی گواستوویەتییەوە بۆ جنێف و پاریس و ستۆکهۆڵم. لەساڵی (1974)دا، گەڕاوەتەوە بۆ تورکیاو کاری لەچەند ڕۆژنامەیەکدا کردووە، لەوانە: وەتەن، جمهورییەت، کۆنش، حورییەت، سەباح. لەنێوان ساڵانی (1991- 1993)دا، وەک ڕاوێژکاری تایبەتیی سەرۆکی پێشووتری تورکیا، تۆرگوت ئۆزال دامەزراوە. لە (1999-2000)دا، لە سەنتەری توێژینەوەی ئەمریکی لە واشنتۆن کاری کردووە، حاڵی حازر بە یەکێک لە گرنگترین شارەزایانی ستراتیژیی کاروباری ناوچەی خۆرهەڵاتی ناوەڕاست لەقەڵەم دەدرێت و پەیوەندیی نزیکیی لەگەڵ ناوەندەکانی بڕیاری ئەمریکی و گەورە ڕۆژنامەکانی ئەمریکادا هەیە. جاندار یەکێکە لە پشتیوانانی دۆزی کوردو لە هاوڕێ نزیکەکانی تاڵەبانی و بارزانییە.
This item has been written in (کوردیی ناوەڕاست - Central Kurdish) language, click on icon
![](https://www.kurdipedia.org/images/flags/ku.png)
to open the item in the original language!
ئەم بابەتە بەزمانی (کوردیی ناوەڕاست - Central Kurdish) نووسراوە، کلیک لە ئایکۆنی
![](https://www.kurdipedia.org/images/flags/ku.png)
بکە بۆ کردنەوەی بابەتەکە بەو زمانەی کە پێی نووسراوە!
This item has been viewed 5,064 times
Write your comment about this item!