یەکێک بوو لە کارمەندە نێودەوڵەتییەکانی نەتەوەیەکگرتووەکان، کوردە و خەڵکی #هەولێر#ە و لە دایکبووی ساڵی (1967)ە و خێزاندارە و خاوەنی سێ منداڵە، هەروەها ماوەی 13 ساڵە لەگەڵ ڕێکخراوی خۆراکی جیهانیی سەر بە نەتەوەیەکگرتووەکان (WFP) وەک پسپۆڕی گەیاندن و پێوەندییەکان کار دەکات.
شەهید بۆتان لە ساڵی 1989 کۆلێژی ئەندازیاریی لە هەولێر تەواو کردووە و دواتر لە زانکۆی ئۆکسفۆردی بریتانیا ماستەری لە تەکنەلۆژیای زانیاریی وەرگرتووە و لە ساڵی (2005)یشەوە وەک پسپۆڕی پێوەندییەکانی ڕێکخراوی خۆراکی جیهانیی (WFP) لە عەممانەوە چووەتە سوودان و دواتریش لە ساڵی 2006 لە عەممانەوە چووەتە دوبەی ئیماراتی عەرەبی و لە بارەگای گشتیی ڕێکخراوەکە وەک کارمەندێکی نێودەوڵەتیی کاری کردووە.
ڕۆژی دووشەممە ڕێکەوتی 05-10-2009 لە کردەوەیەکی تیرۆریستیدا لەو کاتەی خۆکوژێک دەچێتە نێو بارەگاکەیان لە ئیسلامئابادی پایتەختی پاکستان و خۆی دەتەقێنێتەوە، (بۆتان ئەحمەد) و چەند هاوڕێیەکی دیکەی پاکستانیی لە ڕێکخراوەکە شەهید بوون.
جێگەی باسە ڕێکخەری هەرێم بۆ کارووباری UN ئیدانەی ئەو کردەوە تیرۆریستییەی کرد و دوێنێیش بان کی مۆن سکرتێری گشتیی نەتەوەیەکگرتووەکان ئیدانەی ئەو تەقینەوەیە خۆکوژییەی کرد و تەواوی چالاکیی نەتەوەیەکگرتووەکانیشی لە پاکستان ڕاگرت.
This item has been written in (کوردیی ناوەڕاست - Central Kurdish) language, click on icon
![](https://www.kurdipedia.org/images/flags/ku.png)
to open the item in the original language!
ئەم بابەتە بەزمانی (کوردیی ناوەڕاست - Central Kurdish) نووسراوە، کلیک لە ئایکۆنی
![](https://www.kurdipedia.org/images/flags/ku.png)
بکە بۆ کردنەوەی بابەتەکە بەو زمانەی کە پێی نووسراوە!
This item has been viewed 3,936 times
Write your comment about this item!