شاعیر و ئەکادیمیکار و نووسەرێکی کوردە، ساڵی 1951 لەباشووری کوردستان، ناوچەی #گەرمیان#، لە دایک بووە. شاکەلی یەکێکە لەو شاعیرانەی کە شیعری کوردییان لە 1970دا تازە کردەوە و بزووتنەوەیەکی گەورەی نوێخوازییان هێنایە ناو ئەدەبی کوردییەوە. فەرهاد شاکەلی خوێندنی دواناوەندیی لە شاری #کفری# تەواو کردووە و لە سەرەتای حەفتاکاندا لە زانکۆی بەغدا، بەشی زمانی کوردی خوێندوویەتی. ساڵی 1974-1975 چووە ڕێزی شۆڕشی کوردستانەوە و بوو بە پێشمەرگە و دوای هەرەسهێنانی شۆڕش ماوەیەک خەباتی نهێنیی کرد و پاشان لە ڕێگەی بیابانەوە ڕووی کردە سووریا و ماوەیەک خەریکی کاری سیاسی و پێشمەرگایەتی بوو. لە هاوینی 1977دا بە یەکجاری وازی لە کاری سیاسی هێنا و ڕووی کردە ئەوروپا. شاکەلی دوای خوێندنی زمان و ئەدەبی ئینگلیزی، زمانانی نۆرد، زمانە کۆن و تازەکانی ئێران، وەک مامۆستای زمان و ئەدەبی کوردی لە زاانستگەی ئوپسالا، سوێد، دەستی بە کار کرد و هەتا ئێستایش لەو زانستگەیە کار دەکات. فەرهاد شاکەلی تا ئێستا نزیکەی 30 کتێبی چاپ کردوون کە بەشێکی زۆریان دیوانی شیعرە، ئەوانی دیکەیش لێکۆڵینەوەی ئەکادێمی، کورتە چیرۆک، وەرگێڕان لە سوێدی و ئینگلیزییەوە و وتاری فکری و فەلسەفین. لە ساڵانی 1985-1996دا گۆڤاری (مامۆستای کورد) بڵاو کردەوە، کە گۆڤارێکی فەرهەنگی و فکری بوو، سەرجەم 31 ژمارەی لێ دەرچوو. هاوکاتیش، 1985-1988، بە زمانی سوێدی گۆڤاری Svensk-kurdish journalی بڵاو کردەوە. فەرهاد شاکەلی ئەمڕۆ شاعیر، ئەکادێمی و زمانەوانێکی ناسراوی کوردستانە و بە شێوەیەکی چالاکانە لە ژیانی فەرهەنگیی کوردستاندا بەشداری دەکات.[1]
This item has been written in (کوردیی ناوەڕاست) language, click on icon
to open the item in the original language!
ئەم بابەتە بەزمانی (کوردیی ناوەڕاست) نووسراوە، کلیک لە ئایکۆنی
بکە بۆ کردنەوەی بابەتەکە بەو زمانەی کە پێی نووسراوە!
This item has been viewed 37,598 times
Write your comment about this item!