ئەردەوان عەلی محەمەد کو ب ئەردەوان زاخویی هاتبوو ناسین، ل سالا 1957 ل باژێرێ زاخو ژ دایک بویە، هەر ژ زاروکینیێ حەژ ل ستران گوتنێ کریە، بەشداریا هن ئاهەنگێن نەورزێ ل زاخو کریە.
ل سالا 1979 ل زاخو ژیانا هەڤژینیێ پێک ئینایە و چوویە د ناڤ رێزیێن پێشمەرگێ کوردستانێ دا و ستران ب وەلات و دەردە سەریا مللەتێ خوە گوتیە.
ئەردەوان زاخویی دوو زاروک هەنە ب ناڤێن هوزان و کوڤان، ئێکەم ستران ل سالا 1978 ب ناڤێ دچمە هەوارا خابیری تۆمار کریە، هەر هەمان سالا ئێکەم کاسێت بەلافکرینە.
سترانبێژێ ناڤبری هەتاکو بێ سەرو شوین بویێ (300) ستران هەنە، ل دەمێ کو #پێشمەرگە# بیە و لسەر چایێن کوردستانێ بویە، سترانا چومە چیا، چیا بلندن جانا من تۆمار کریە.
ئەردەوان زاخوی سترانیێن وی سیاسی، شورەشگێریێ و ئەڤینێ بوینە، ل شەڤا 28 ل سەر 29 مەها کانونا دوێ 1986 ل ئاهەنگەکێ ل بەغدا هاتە دەست ب سەر کرن و هەتا نها یێ بێ سەرو شوینە.
باژێرێ زاخو وەکە رێزگرتن ل ئەردەوان زاخویی، پەیکەرەک ل بەرامبەری پرا دەلال بو چێکری.
هوزان و ئاوازیێن سترانبێژی ژ لایێ (عەبدولعەزیز سلێمان، سەمیر زاخویی، عیسا بەنستانی، خالس خەلیل، شاکر ئاکرەیی، حەبیب کەلەش، سەبرِی بوتانی، نەزیر رەمەزان، #حکمەت مەلا یاسین# و سەباح #زاخۆ#یی) هاتینە دانان، سەباح زاخویی موزیکڤان و لێدەرێ عودێ د گەلەک ئاهەنگ و رونشتناندا دگەل ئەردوان زاخویی کار کریە.
This item has been written in (کرمانجی - کوردیی سەروو) language, click on icon
![](https://www.kurdipedia.org/images/flags/ku.png)
to open the item in the original language!
ئەڤ بابەت ب زمانا (کرمانجی - کوردیی سەروو) هاتیە نڤیساندن، کلیک ل ئایکۆنا
![](https://www.kurdipedia.org/images/flags/ku.png)
بکە ژ بو ڤەکرنا ڤی بابەتی ب ڤی زمانا کو پی هاتیە نڤیساندن!
This item has been viewed 36,948 times
Write your comment about this item!