ئێکە ژگوندێن سەرب ناحیا بامەرنێ ل قەزا ئامێدیێ ڤە. بانکا دکەفیتە ڕوژهەلاتێ گوندێ وەرمێلێ و ڕوژئاڤایێ گوندێ ئەرزێ و باشورێ وێ گوندێ بابگوریایە. ل سالا 1960 گوند یێ ئاڤەدان بوو ژ (100) خانیا وپتر لێ هەبوون ژ (7) بنەمالا پێک دهات و پتر ژ(500) کەسا لێ دژیان. وەکی هەمی گوندێن کوردستانێ ئەڤ گوندە ژی هاتە وێران وتالان کرن ژ لایێ ڕژێما بەعسا عیراقێ ڤە. پاشان ل سالا 1974 جارەک دی خەلک ڤەگەریانە گوندی. ل سالا 1975 ڕێکەفتناما جەزائیرێ (76) زاروک ژ 1 سالی تا 15 سالی ژگوندێ هەنێ هاتنە شەهید کرن. جارەک دن ل سالا 1988 خەلکێ گوندی دەربەدەر بونە ڤە، هەژی ئاماژێ یە کو ئەڤ گوندە بو سێ بەش بەشەک دەربەدەری تورکیا وبەشەک دەربەدەری ئیران بوون و بەشێ دن ژی هاتنە دەستەسەرکرن ل بەحرکێ. هەر دڤێ سالێدا (11) شەهیدێن دن ژی دان ل گوندێ بانکا ئێک مزگەفت هەیە، ل سالا 1975 قوتانخانە لێ هاتیە ڤەکرن کو (5) ماموستا و(60) قوتابی بون. لێ نها (10) قوتابی و(6) ماموستانە. نها ل گوندی (7) بنەمالن و(15) خانی و(60) کەس لێ دژین. ژیانا گوندیا ل سەر ڕەزایە و خودان کرنا تەرش و کەوالی یە. بەهرا پتر ڕەزێت بانکیا تری و باهیڤ و هرمیک و سێڤ و حلیکن، هرمیکێت بانکیا ب ناڤ و دەنگن کو بانکی دبێژنێ هرمی چەلی. ژێدەرێ ئاڤێ کانیا ئاقاری یە بەلێ ژبەر هشکە سالیێ یا کێمە و نوکە بیرەک یا بو هاتیە کولان بو ئاڤا ڤەخارنێ
This item has been written in (کوردیی ناوەڕاست - Central Kurdish) language, click on icon
![](https://www.kurdipedia.org/images/flags/ku.png)
to open the item in the original language!
ئەم بابەتە بەزمانی (کوردیی ناوەڕاست - Central Kurdish) نووسراوە، کلیک لە ئایکۆنی
![](https://www.kurdipedia.org/images/flags/ku.png)
بکە بۆ کردنەوەی بابەتەکە بەو زمانەی کە پێی نووسراوە!
This item has been viewed 5,966 times
Write your comment about this item!