زانا و کەسایەتیێ بەرکەفتی و بەرچاڤ و ناڤدار کۆڕێ (شێخ محەمەد نەقشەبەندی) یە، خەلکێ گوندێ (بەنستان) سەر ب هۆزا (ڕێکان) ڤەیە، ل سالا (1273 مشەختی - 1856 زایینی) ل بامەڕنێ هاتیە سەر دونیایێ، ژ دەسپبێکێ وانێن ئایینی ل دەڤ (مەلا ئەسعەد) مفتیێ ئامێدیێ و (شێخ محەمەد ئەمین) ل زاخو کو خەلیفێ بابێ وی بوویە خواندی یە.پشتی هنگی قەستا (مویسل) کری یە و ل سەر دەستێ چەندین زانایان خواندی یە و باوەر ناما زاناتیێ دزانیاریێن ئایینی دا ژ (مەلا خالد شێخ عەبدوڵڵا العمری) وەرگرتی یە و زڤرییە ڤە بامەڕنێ، و خیلافەتا ڕێبازا نەقشەبەندی ژ دەستێ بابێ خۆ وەرگرتی یە، ل 22-12-1903 ێ (شێخ عبدالسلام بارزانی) کومەلەک دگەل (شێخ بهائەدین) ل مالا (عبدالعزیز ئاغا ئامێدی) ل ئامێدیێ کریە، و ڤێ کومبونێ دوو دەمژمێران دومکر بوو، دیسا پشکداری دوێ کومبونێدا کربوو ئەوا ل بهارا سالا (1907) ێ ب ئامادەبونا (شێخ عبدالسلام بارزانی) ل مالا (شێخ نورالدین محەمەد بریفکانی) ل گوندێ بریفکا هاتیە کرن کو تێدا داخواز نامیەک پێشکێشی (دەولەتا عوسمانی) کربوو تێدا داخوازا هندەک مافێن گەلێ کورد یێن ڕەوا کربوو. ل ڕۆژا (3-8-1919) ێ دەمێ لەشکەرێ بەریتانی چویە د بامەرنێ دا، (شێخ بهائەدین) و دگەل هندەکێن دیتر هاتبوو گرتن تا کو (12-12-1919) ێ هاتیە بەردان، ل سبێدەیا ڕۆژا چوار شەمبی 16-01-1952 ێ چوویە بەر دلوڤانیا خودێ ل گوڕستانا (مەزاری) ل بامەڕنێ هاتیە ڤەشارتن.
This item has been written in (کوردیی ناوەڕاست) language, click on icon
to open the item in the original language!
ئەم بابەتە بەزمانی (کوردیی ناوەڕاست) نووسراوە، کلیک لە ئایکۆنی
بکە بۆ کردنەوەی بابەتەکە بەو زمانەی کە پێی نووسراوە!
This item has been viewed 9,074 times
Write your comment about this item!