ناڤدار ب بەحشتى
ژ دایک بوویێ (1954) یە.
خەلکێ گوندێ (قومریێ) یە سەرب ناحیا (کانى ماسێ) ڤە.
خاندنا سەرەتایى ل گوندێ گرگا ب دوماهیک دئینت و زێدەبارى خاندنێت ئاینێ ئیسلامێ یێ پیروز، لسەر دەستێ زانایێت ئاینى ل دەڤەرا بەروارى بالا و ل گوندێن (دێشێش و هرور و گروانش) و پاشى ل دەف (مەلا عەبدوڵڵا بیادرى) تاکو ساڵا 1969 بەردەوامیێ ددەتە خاندنا زانینێن ئایینى و پاشى ل سالا 1971 دبیتە ماموستایێ ئایینى ل گوندێ قومریێ، شەهیدێ نەمر هەر ژ بچویکاتیێ نیشانێت کورد پەروەریێ ل دەف پەیدا دبن و هەر زوى هەست ب مافێن رەوایێن گەلى َخو دکەت و خو دکێشیتە ناڤ رێزێن پارتى دیموکراتى کوردستان و ل سالا 1972 شەرەفا ئەندامەتیێ وەردگریت و ژبەر زیرەکاتى و شیانێت وى دبیتە بەرپرسێ شانەکا سەرەکى سەر ب رێکخراوا روژئاڤاى دەڤەرا بەروارى بالاڤە و دهێتە دانان دگەل (لیژنا چارەسەریا موشکیلا) هەلبەت رولەکێ چاک و بەرچاڤ هەبویە دناف ڤێ لیژنێدا و ژلایەکێ دیڤە جهێ دلخوشى و ڤیانا هەمى هەڤال و کادرێت پارتى و جەماوەرى بویە و گروڤە کریە کو خودان شیان و شارەزایى و وەستان لدەف نینە، ژبەر هندێ دهێتە هەلبژارتن بو ئەندامەتیا (لیژنا شەریعەتى) ل دەڤەرێ و ب دلسوزى کارێ خو ئەنجام ددەت تاکو کارەساتا خیانەت کارا ئادارا سالا 1975، لێ ل دەست پێکا شورەشا گولانا پێشکەفتن خواز، شەهیدێ قەهرەمان پەیوەندى پێ دهێتە کرن و ب نەپەنى دکەڤیتە قادا خەباتێو بکارێ رێکخستنێ رادبیت و ئەڤە لدەمەکى کو مللەتێ مە لبن دەست هەلات و زورداریا رژێما بەعس دا دژیا و سەخت ترین روژ دبوراندن دوژمن وەکى گورگەکێ هارو دەف بخوین بەرببو گیانێ مللەتى و کارێ وى هەر گرتن و سوتن و دەربەدەرى و کاڤل کرنا گوندا بو، ڤى هەلوێست و رەفتارا دوژمنى پتر برینێت کورد پەروەرو خەبات کەرا هەو ددان، ئەو بو شەهیدێ نەمر ل بهارا سالا 1976 ب دەستێ رژێما بەعس دهێتە گرتن ل دەڤەرا بەروارى بالا و بو زیندانێت ئەمنا رژێمێ ل دهوکێ دهێتە ڤەگوهاستن و لوێرێ دهێتە زیندان کرن و هەمى رەنگێت ئەشکەنجێ ددەنە بەر، لێ دوژمن نەشیا تستەکى ژێ بزانیت و ژێ وەربگریت و خوراگرتنا وى بێ شک هەر دزڤریتە سەر باوەریا وى یا موکم ب دوزا گەلێ وى، پشتى چەند هەیڤا دهێتە بەردان و بو گوندێ خو دزڤریت و دەست بکارێ خو یێ رێکخستنێ دکەت و ل پایزا سالا 1976 دهێتە هەلبژارتن بو ئەندامەتیا رێکخراوا (دیار بەکر) کو ئێکەمین رێکخراو بویە ل لقا ئێک و ل دەڤەرا بەروارى بالا لوى دەمى دهێتە دامەزراندن و هەروەسا و پشتى دەمەکێ کورت و ژئەگەرا بەرفرەە بونا رێکخستنێت پارتى جارەکادى دهێتە هەلبژارتن بو بەرپرسیاریا رێکخراوا (قەدەم خێر) ل دەڤەرا بەروارى بالا. لێ وەدیارە شەهیدێ نەمر دیتىیە کو ئێدى نەشێت بەردەوامیى َبدەتە خەباتا خو یا نهێنى ئو ب هێز کرنا رێکخستنێ ژبەر دویف چون و چاڤدێریا رەشەک و خوفروشێت دوژمنى نەچار دبیت خەباتا نهێنى دگهوریت و چەکێ شەرەف و کەرامەتێ دکەتە ملێ خو و ل دوماهیا سالا 1976 بریارا گەهشتنا رێزێت پێشمەرگێ شورەشا گولانا پێشکەفتن خاز ددەت، و پشتى خاتر خاستنێ ژکەس و کارو هەڤالێت خو لنەخوشترین و تەنگاڤ ترین دەلیڤەدا ئەو دگەل خێزانا خو لگوندەکێ کوردستانا تورکیا ئاکنجى دبن.
ل سالا 1978 دهێتە هەلبژارتن بو ئەندامەتیا کومیتا دەڤەرا خەبات ئەوا هاتیە دروست کرن ل تخویبێ دەڤەرا (بەروارى بالا، بامەرنێ، گولیا، صەیدا و دوسکىیا) ئەف کومیتە کومیتەک شورەشگێرو گەروک بو و ژڤان هەڤالا پێک هاتبو :
1- مستەفا مزیرى - بەرپرس.
2- شەهید مەلا رەمەزان – ژدەرگەلا موسا بەگێ تا وەرمێلێ.
3- شەهید عرفان هرورى - روژئاڤایێ بەروارى بالا.
4- نەوزاد نزارکى – دەڤەرا دوسکىیا.
5- عەبدوڵڵا بناڤى – کادر.
شەهیدێ نەمر دهێتە هەلبژارتن وەک نوینەر بو پشکدارى کرنێ دکونگرێ (نەهێ) یێ پارتیدا ئەوێ هاتیە گرێدان ل سالا 1979 ل ئیرانێ. ل سالا 1980 لدەمێ پێک ئینانا لقا ئێک و کومیتێت سەر ب لقێ ڤە شەهیدێ نەمر دهێتە دانان جێگرێ بەرپرسێ لیژنا ناوچا ئامێدیێ و ل سالا 1982 دهێتە ڤەگوهاستن بو دەڤەرا ئاکرى و شێخان و لوێرێ ژى دبیتە جێگرێ بەرپرسێ ناوچا دەڤەرێ و بودەمەکێ کێم و پاشى دهێتە دانان وەک بەرپرسێ ناوچا ئاکرێ و شێخان تاکو سالا 1984، پاشى هەر لوێ سالێ دهێتە ڤەگوهاستن بو دەڤەرا زاخو وەک بەرپرسێ لیژنا ناوچا زاخو، ئەڤە هەمى دزڤریتە سەر زیرەکاتى و شارەزایى و شیانێت بەرفرەە ژهەمى لایاڤە لدەف شەهیدى. لسالا 1986 و پشتى سەرەدانا مێژویى یا سەروک (مسعود بارزانى) بو دەڤەرا لقا ئێک و سەرەدانا لیژنا پشکنینێ دبەرژەوەند دا هاتە دیتن شەهیدێ نەمر بێتە ڤەگوهاستن بو ئەندامەتیا لقى ئێک و پاشى بهێتە ڤەگوهاستن بو بارەگایێ (م.س) بەرێز، لسالا 1987 جارەکادى دهێتە ڤەگوهاستن بو سنورێ لقا چار یا خەباتکەر، و دبیتە بەرپرسێ لیژنا ناوچا قەلادزێ و لوێرێ بەردەوامیێ ددەتە خەباتا خو تاکو سالا 1991 لدەمێ سەرهلدانا پیروزا گەلێ مە شەهیدێ نەمر پشکداریێ دڤێ سەرهلدانێدا دکەت و دهێتە هەلبژارتن بو بەرپرسیاریا (میحوەرێ زاخو) و ئێکسەر قەستا دەڤەرا بادینا دکەت و دەست بکارێ خو دکەت برێک و پێکى و بەرى شکەستنا سەرهلدانێ ب چەند روژا و ب فەرمانا بەرێز (د. کمال کەرکوکى) بەرپرسێ لقىئێک هێزەکا مەزن یا پێشمەرگەى دبەتە سنورێ سوریا بو لێدانا رەبیا گرێ چەپەرا لدەڤەرا (زمار) لسەر سنورێ عیراق و سوریێ و ل ڤەگەریانێ هێرشا دوژمنى لسەر هەرێما سەرهلدانێ دهێت و دکەڤنە ناڤ هێزێت دوژمنى و سێ روژا دهێنە محاصرەکرن لێ پشتى شەرەکێ دژوار شیان خو رزگار بکەن ئەوژى پشتى هندەک ژهەڤالێت وان شەهید و بریندار دبن و بنەخوشى خو دگەهیننە باتیفا گولیا و لوێرێ بەرسینگێ دوژمنى دگرن و چەند جارا سەربازگەها باتیفا گولە باران دکەن. پشتى ڤەگەریانا جەماوەرى ژچادرگەهێت سنورى بو ناڤ باژێرو باژێرکا شەهیدێ نەمر دبیتە بەرپرسێ لیژنا ناوچا زاخو و ل سالا 1992 دهێتە ڤەگوهاستن بو بارەگایێ لقى ئێک و پاشى دبیتە بەرپرسێ لەشکەرێ چار ل دەڤەرا ئامێدیێ.
شەهیدێ نەمر ئەڤ چەلەنگىیە و قەهرەمانیێت خارێ ئەنجام داینەو پشکدارى تێدا کریە :
1. دانانا کەمینەکێ لبەرێ کەر 6/1976
2. شەلاندنا نەخوشخانا قەدشێ 6/1976
3. لێدانا مقر سریێ کانى بەلاڤێ 7/1976
4. دانانا کەمینەکێ دناڤبەرا چەقەلاوبریفکا 7/1976
5. لێدانا مقر فەوجێ گەرمکێ 6/1977
6. لێدانا مقر فەوجێ سوتکى 8/1978
7. لێدانا هێزا تایبەت لدەشتا سەفەریا 6/1979
8. لێدانا قەسرا صدام ل ئینشکێ 5/1979
9. گرتنا چار مهندسێت مصرى 5/1979
10. لێدانا مقرێ بانێ شکەفتا ئینشکێ 5/1979
11. لێدانا مقر سریێ بن گرکا 6/1979
12. لێدانا مقر سریێ کانیا تا ل بامرنێ 6/1979
13. بەرسینگ گرتنا هێرشا مەزن بو سەر وەرمێلێو دەڤەرا بەرواریا 3/1981
14. لێدانا مقر سریێ گابنێرکى 5/1981
15. لێدانا مقرێ سەربازیێ سەرێ ئامێدیێ 7/1981
16. دانانا کەمینەکێ دناڤبەرا قەدش و مەیدانکا رویڤیادا 6/1981
17. لێدانا مقر سریێ ئورمانا 8/1981
18. بەرسینگ گرتنا هێرشا دوژمنى بو سپنە و مەتینى 8/1981
19. دانانا کەمینەکێ دناڤ بەرا راڤیناو ئورمانادا 8/1981
20. لێدانا لیوا مەتارێ بامەرنێ 9/1981
21. دانانا کەمینەکێ ل گرێپانێ و گرتنا چار خەبیرێت فرنسى 7/1982
22. لێدانا ناحیا زاویتە 7/1982
23. شەلاندنا نەخوشخانا زاویتە 9/1982
24. لێدانا مقر سریێ مام سەینى 7/1982
25. لێدان و ستاندنا مقر سریێ زاویتە 4/1982
26. برینا رێکا گشتى دناڤبەرا زاویتەودهوک بو دەمێ روژەکێ 6/1983
27. لێدانا مقرێ جاشا ل باقپێ و چاربوتێ 4/1983
28. لێدانا لیوا بارەگایێ دهوکێ 7/1983
29. لێدانا زالگەها دهوکێ 9/1983
30. لێدانا رەبیا سەرێ غەلبوکێ 9/1983
31. لێدانا بارەگایێ جاشێت مرێبا 4/1983
32. لێدانا رەبیێت گەلى خورکى 6/1983
33. لێدانا عەرەبێت بەرکچکێ و دەست کەفتى چەند سلاح بون 5/1983
34. لێدانا عەرەبێت گوندێ بێساتێ و دەست کەفتى چەند سلاح بون 7/1983
35. هجوما مەزن یا دوژمنى بو دەڤەرا زێبارێ 4/1983
36. هجوما سوارو سپیندارێ 5/1984
37. توپ بارانکرنا فەوجا باگێرا 7/1984
38. دانانا کەمینەکێ لبن ئەتروشێ 7/1984
39. هجوما دوژمنى بو دەشتا فەیدیێ 8/1984
40. هجوما دوژمنى بو دەڤەرا کافیاو بریفکاو بالەتە شێخان 4/1984
41. لێدانا مقر فەوجێ زرێزە 4/1985
42. توپ بارانکرنا لیوا باتیفا گولى 4/1985
43. لێدانا مقر سریێ رەبیا باسکێ دوازدەملانێ 5/1985
44. توپ بارانکرنا بارەگایێ فرقا زاخو 6/1985
45. توپ بارانکرنا بارەگایێفەوجا ئاڤ گەنیێ 6/1985
46. برینا رێکا گشتى دناڤبەرا زاخو و باتیفا و کانىماسێ 6/1985
47. دانانا کەمینەکێ ل کوچێت مەرینا لدەڤەرا سلێڤانەیا 7/1985
48. لێدانا بارەگایێ سریا بێتاسێ 7/1985
49. هجوما مەزن یا چیایێ سپى و دەڤەرا لێفێ 8/1985
50. توپ بارانکرنا بارەگایێ لیوا بێگوڤا 8/1985
51. توپ بارانکرنا بارەگایێ لیوا قەسروکێ 6/1985
52. توپ بارانکرنا فەوجا حەسەن ئاغا 4/1986
53. توپ بارانکرنا فەوجا دەشتە تەخێ 6/1986
54. لێدانا رەبیا ئاخە سپیکى (لڤێرە بریندار ببو) 6/1986
55. توپ بارانکرنا باتیف گولى 7/1986
56. گرتنا ناحیا مانگێشکێ 6/1986
57. برینا رێکا گشتى یا گەلیێ زاخو 7/1986
58. لێدانا بارەگایێ فەوجا ئاسهێ 7/1986
59. لێدان و وەرگرتنا عەرەباو دەوروبەرێت پەزى 8/1986
60. هجوما دوژمنى بو سەرێ کاشێ و دەڤەرا دوسکیا و لێڤێ 11/1986
61. هجوما دوژمنى بو سرکو دەست کەفتى چەند سیلاح و کەل و پەل بون 6/1987
62. هجوما دوژمنى بو زێوکێ و ناڤکەنداو دەست کەفتى سێ خوفروش و سلاح بون 6/1987
63. هجوما دوژمنى بو زرێزەو کانیا تیا و دەست کەفتى چەند سلاح بون 5/1987
64. لێدان و وەرگرتنا ناحیا شەرانش دەست کەفتى 73 خوفروش و چەند سیلاح و کەل و پەل بون 6/1987
65. هجوما دوژمنى بو سەر سادو کەشکێ 10/1989
66. هجوما دوژمنى بو بەرئاڤا مەزن و دەڤەرا پێشابیرێ 3 روژا محاصرە بون 3/1991
67. لێدانا بارەگایێ لیوا باتیفا گولیا 3/1991
ل سپێدەیا 15-10-1992 ل دەڤەرا نێروەورێکان ل دەمێ ئەنجام دانا کارێ خو وەک بەرپرسێ لەشکەرێ چار، دگەل جەکدارێن پ ک ک دکەڤنە دشەرەکێ گران و دژواردا پشتى دربەکێ مەزن ب تیرورستا دکەڤیت سەیدا مەلا رەمەزان قومرى شەهید دبیت و گیانێ وى دبیتە کوترەکا سپى و بەرف ئەسمانێ کوردستانێ دفریت.
هزار سلاڤ ل گیانێ شەهیدىو تەڤایا شەهیدێت بزاڤا رزگارى خازا مللەتێ کورد بن.
پلە : بەرپرسێ لەشکەرێ 4
http://www.pdk-leqa1.com/sd.php?id=2533