لەماوەی سێ ڕۆژی جەژندا لەچەمچەماڵ (11) ڕوداوی هاتوچۆو پێنج حاڵەتی پێوەدانی دوپشک هەبوە، هەروەها (1567) نەخۆش چارەسەرکراون.
چەمچەماڵ، ئاوێنەنیوز: بەپێی ئامارێکی بەڕێوەبەرێتی تەندروستی چەمچەماڵ کە وێنەیەکی دراوەتە ئاوێنەنیوز، لەماوەی هەر سێ ڕۆژی جەژنی ڕەمەزاندا (8/8- 10-08-2013)، (1567) نەخۆش بەمەبەستی چارەسەر سەردانی نەخۆشخانەی باسەڕه و مەڵبەندی (24) کاژێری چەرموو مەڵبەندی تەندروستی سەرەکی تەکیەی کاکەمەندیان کردوە، سێ حاڵەتی سوتاوی لەنەخۆشخانەی باسەڕه و نۆ بریندار بەڕوداوی هاتوچۆ لەمەڵبەندی تەندروستی تەکیە چارەسەرکراون.
لەبەشێکی دیکەی ئامارەکەدا هاتوە، هەر لەوماوەیەدا (71) حاڵەتی بریندار گەیەنراونەتە بەشی فریاکەوتنی نەخۆشخانەی گشتی شەهید پێشڕەو، کە (11)یان ڕوداوی هاتوچۆو پێنجی تریان پێوەدانی دوپشک و دو حاڵەتی سوتاوی و حاڵەتێکی بریندار بەیارییە ئاگرینەکان هەبوە. لەسێەم ڕۆژی جەژنیشدا هیچ ڕوداوێکی نەخوازراو وەکو ئۆتومبیل و پێکان بەگولە ڕوینەداوە.
- 11-08-2013
This item has been written in (کوردیی ناوەڕاست) language, click on icon
to open the item in the original language!
ئەم بابەتە بەزمانی (کوردیی ناوەڕاست) نووسراوە، کلیک لە ئایکۆنی
بکە بۆ کردنەوەی بابەتەکە بەو زمانەی کە پێی نووسراوە!
This item has been viewed 13,027 times
Write your comment about this item!