کاتژمێر پێنجی بەرەبەیانی ئەمڕۆ پێنجشەممە بەمەبەستی بەدواداچوون بۆ نانەواخانە و سەمونخانەکانی شاری کەلار، هەریەک لە قایمقامی قەزای کەلار و بەڕێوەبەری چاودێری بازرگانی گەرمیان، لەگەڵ چەند لیژنەیەکی هاوبەشی چاودێری بازرگانی و ئابووری ئاسایش سەردانی نانەواخانە و سەمونخانەکانیان کرد.
لە ڕاگەیندراوێکدا، کە وێنەیەکی بۆ خەندان نێردراوە، حیکمەت ئەحمەد، بەڕێوەبەری چاودێری بازرگانی گەرمیان ڕاگەیاند: "بۆ بەدواداچوونی کاری نانەواخانە و سەمونخانەکانی سنووری شاری کەلار، بەسەر پەرشتی جەلال نوری قایمقامی قەزای کەلار و چەند لیژنەیەک سەردانی زیاتر لە 30 نانەواخانە و سەمونخانەمان کرد و پشکنینی پێویستمان بۆکردن لەڕووی کێش و مەرجەکانی ترەوە".
بەڕێوەبەری چاودێری بازرگانی گەرمیان، وتیشی: "بەهۆی سەرپێچی کردن لە کێشی گونکی نان و سەمونەکانیان پسولەی بانگهێشتمان بۆ 14 نانەواخانە و سەمونخانە کردووە و غەرامەکراون.
حیکمەت ئەحمەد، ئاماژەی بەوەشدا: پێشتر لەگەڵ نوێنەری سەرجەم نانەواخانە و سەمونخانەکان بڕی کێشی گونک بۆ نان و سەمون دیاریکراوە و خۆیان ڕازی بوون لەسەری، بەڵام بەشێکیان له و کێشە کەمتر دەیفرۆشن بە هاوڵاتیان.
ئاماژەی بۆ ئەوەشکرد: بەپێی ڕێنماییەکان، دەبێت لە هەموو نانەواخانە و سەمونخانەکاندا، 1000 گرام، هەویر کە دەکرێت بەنان یان سەمون بە 1000 دینار بفرۆشرێت.
- 20-02-2014
This item has been written in (کوردیی ناوەڕاست) language, click on icon
![](https://www.kurdipedia.org/images/flags/ku.png)
to open the item in the original language!
ئەم بابەتە بەزمانی (کوردیی ناوەڕاست) نووسراوە، کلیک لە ئایکۆنی
![](https://www.kurdipedia.org/images/flags/ku.png)
بکە بۆ کردنەوەی بابەتەکە بەو زمانەی کە پێی نووسراوە!
This item has been viewed 5,249 times
Write your comment about this item!