خەندان - ڕاماڵ قەسرەیی
پاشنیوەرۆی هەینی بەئامادەبوونی ژمارەیەک لە یاریزان و میدیاکار و گەشتیاری ناوخۆ و بیانی لە ناوچەی باڵەکایەتی ڤیستیڤاڵی لێخورینی بەلەم ئەنجامدرا کە بۆیەکەمین جارە لە سەر ئاستی عێراق و هەرێمی کوردستان ڤیستیڤاڵی لەم جۆرە ئەنجام دەدرێت.
بەختیار قادر، بەرپرسی ژووری ڕاگەیاندنی ئۆفیسی چۆمانی ناشناڵ پارکی هەڵگورد سەکران بەخەندانی ڕاگەیاند،" بەبەشداری دەیان یاریزانی نێودەوڵەتی و میدیایی جیهانی بواری دیکۆمینتاری و دامەزراوەی سروشتی عێراق و کۆمەڵەی ئەمریکی بۆ بەلەمی سەوڵ و کۆمپانیای سویسری بۆ گەشتی سەرکەوتن بەسەر چیاکان، لە ناوچەی باڵەکایەتی ڤیستیڤاڵی لێخورینی بەلەم ئەنجامدرا".
وتیشی: ڤیستیڤاڵەکە لەلایان ئۆفیسی چۆمانی ناشناڵ پارکی هەڵگورد سەکران و بەسپۆنسەری کۆڕەک تلیکۆم ئەنجامدرا کە سەعات (2) پاش نیوەڕۆی ئەمڕۆ لە ڕووباری حاجی ئۆمەران دەستی پێکرد و بریاریشە (11)رۆژ بەردەوام بێت لەرووبارەکانی باڵەکایەتی و ڕواندز.
بەوتەی بەختیار قادر،"جگە لەبەلەم لێخورین تیایدا چەندین چالاکی هونەریی و ڕاهێنانی کەسانی ئارەزوومەند لە لێخورینی بەلەم و چەندین کرداری پاراستنی سەرچاوە ئاوییەکانیش لەلایان کەسانی پسپۆری ژینگەیی نێودەوڵەتی ئەنجام دەدرێن".
هاوکات بەختیار قادر هێمای بۆ گرنگی چالاکیەکە کردو وتی: بۆیەکەمین جارە لەسەر ئاستی عێراق ڤیستیڤاڵی له و جۆرە ئەنجام بدرێت و مەبەستی سەرەکیشمان ناساندنی لایەنی گەشتیاریی هەرێمی کوردستانە بە وڵاتانی بیانی و ڕاکێشانی زۆرترین گەشتیار و ڕێزگرتنە لە ئاو لەهەرێمی کوردستان.
- 09-05-2014
This item has been written in (کوردیی ناوەڕاست) language, click on icon
![](https://www.kurdipedia.org/images/flags/ku.png)
to open the item in the original language!
ئەم بابەتە بەزمانی (کوردیی ناوەڕاست) نووسراوە، کلیک لە ئایکۆنی
![](https://www.kurdipedia.org/images/flags/ku.png)
بکە بۆ کردنەوەی بابەتەکە بەو زمانەی کە پێی نووسراوە!
This item has been viewed 9,969 times
Write your comment about this item!