رەهێڵ سەمەد
ئەمڕۆ چوارشەممە 4ی شوباتی 2015، لە ڕۆژی جیهانی شێرپەنجە ڕێورەسمێک بەرێوەچوو و دواتر لە کۆنگرەیەکی ڕۆژنامەنووسیدا لەشاری هەولێر دوا ئاماری تووشبوانی نەخۆشی شێرپەنجە لە هەرێمی کوردستان ئاشکرا کرا.
بۆ ئه و مەبەستە د. دارا ڕەشید بەڕێوبەری گشتی لە وەزارەتی تەندروستی حکومەتی هەرێمی کوردستان ڕایگەیاند: ژمارەی توشبووان بە نەخۆشی شێرپەنجە لە هەرێمی کوردستان بەمجۆرە تۆمار کراوە، لە سلێمانی 2027 کەس، هەولێر 1809 کەس و لە دهۆک 926 کەس، جگە له و ژمارەیەی پێشوو زیاتر لە دوو هەزار نەخۆشی تری دەرەوەی هەرێم چارەسەری پێویستیان بۆ ئەنجامدراوە.
وتیشی: "لە هەرێمی کوردستان چوار نەخۆشخانەی چارەسەری شێرپەنجە هەیە، لەگەڵ دوو سەنتەری چارەسەری شێرپەنجە (سلێمانی، هەولێر) هاوکات چارەسەری نەشتەرگەری زۆربەی جۆرەکانی شێرپەنجە ئەنجامدەدرێت".
ئاماژەی بەوەشکرد: ڕێژەی توشبوانی هاوڵاتانی هەرێم بە نەخۆشی شێرپەنجە لە ستاندرانی جیهانی کەمترە.
هەرله و کۆنگرە ڕۆژنامەنوسیەدا ئەوەش ئاشکرا کرا کە لەساڵی 2004ە وە تا ئێستا نزیکەی 15 هەزار و 500 هاوڵاتی لە پارێزگای هەولێر فایلین بۆکراوە کە توشبووی نەخۆشی شێرپەنجەن.
- 04-02-2015
This item has been written in (کوردیی ناوەڕاست) language, click on icon
![](https://www.kurdipedia.org/images/flags/ku.png)
to open the item in the original language!
ئەم بابەتە بەزمانی (کوردیی ناوەڕاست) نووسراوە، کلیک لە ئایکۆنی
![](https://www.kurdipedia.org/images/flags/ku.png)
بکە بۆ کردنەوەی بابەتەکە بەو زمانەی کە پێی نووسراوە!
This item has been viewed 5,003 times
Write your comment about this item!