زۆربەمان لەسەر ڕێگەی چونمان بۆ #چەمچەماڵ# و #کەرکووک# و هەولێر لە دەروازەی ئەم شورایەوە تێ پەریووین، بەڵام کەممان بۆ ساتێک لامانداوە گەشتێک بە دەوروبەریدا بکەین. ماوەیەک لەمەوبەر لەکاتی گەڕانەوەم لە چەمچەماڵ دابەزیم و ئەوەی لە گەرانەکەمدا دیقەتم دا وێرای ئەو خەرجی و ماندوبوونەی کە لە نوێکردنەوە و درووست کردنی ئەم شوێنەدا بەکار هاتووە، بیر لەوە نەکراوەتەوە لەسەر تابلۆیەک زانیارییەک لەسەر ئەم شوێنەوارە بەوانە ببەخشرێت کە سەردانی ئەم شوێنە دەکەن و زۆر کەس وا دەزانێت ئەم شورایە پەیوەندی بە شەری دەربەندی بازیانەوە هەیە و تەواو. بەڵام وەک لە چەند سەرچاوەیەکدا هاتووە سێ هەزار ساڵ لەومەبەر ئاشور بانیپاڵ کاتێک ویستویەتی وڵاتی زاموا داگیر بکات ئەو شورایەی وەک هێلی بەرگری قەڵەمرەوی دەسەڵاتەکەی درووست کردووە و لە دوای ئەویش دارو پەردوی ڕوخاوی ئەم شورایە وتۆپۆگرافیای ئەم شوێنە بۆ هەمان مەبەست لەلایەن دەسەڵاتداران و میرە کوردییەکانەوە سوودی لێ بینراوە و هەر چەند سەد مەترێک بە ڕوکاری بازیاندا و لەم دیو شوراکەوە لە ساڵی 1919 #شێخ مەحمود#ی نەمر دوای شەڕێکی بێ بەرانبەر لەپاڵ تاوێرە بەردێکدا بەسەختی بریندار دەبێت و بەدیلی دەگیرێت بۆیە هەڵبژاردەی ئەم ناوچەیە و بۆ بەرەنگاری لەلایەن شێخی نەمرەوە هەر لەو سۆنگەیەوە بووە، پاش کۆڕەوی ساڵی 1991 یش کاتێک هێزەکانی ڕژێمی ئێراق لە ناوچەکانی سلێمانی وەدەرنران و لە زنجیرەی بان مەقان گیرسانەوە جارێکی تر و تا ساڵی 2003 هەرچەندە چەمچەماڵ و تەکێ ناوچەی ڕزگار کراو بوون. بەڵام شوێنی ئەم شورایە وەک هێڵێکی بەرگری هێزی پێشمەرگە سوودی لێ بینرا. جا خۆزیا بەڕێوەبەرایەتی شوێنەوار ئەم چەند دێرەی بە زانیاری وردترەوە لەسەر تابلۆیەک دەنووسی.
[1]
This item has been written in (کوردیی ناوەڕاست) language, click on icon
to open the item in the original language!
ئەم بابەتە بەزمانی (کوردیی ناوەڕاست) نووسراوە، کلیک لە ئایکۆنی
بکە بۆ کردنەوەی بابەتەکە بەو زمانەی کە پێی نووسراوە!
This item has been viewed 9,046 times