بەمەبەستی بەردەوامیدان بەپاکی هەرێمی کوردستان لەنەخۆشی ئیفلیجی منداڵان، وەزارەتی تەندروستی حکومەتی هەرێمی کوردستان هەڵمەتی کوتانی ئیفلیجی منداڵان دەستپێدەکات.
ئاوێنەنیوز: بەگوێرەی ڕاگەیەندراوێکی وەزارەتی تەندروستی، هەڵمەتەکە لە سبەینێ، یەکشەمە 12ی نیسانەوە دەست پێدەکات و بۆ ماوەی 5 ڕۆژ بەردەوام دەبێت و سەرجەم منداڵانی هەرێمی کوردستان کە تەمەنیان لەخوار 5 ساڵە دەگرێتەوە.
هەر بەپێی ڕاگەیاندراوەکە، هەڵمەتەکە (765965) منداڵی تەمەن خوار 5 ساڵ دەگرێتەوه و لەلایەن 2201 تیمی پزیشکی دەکوترێن کە ماڵ بە ماڵ دەگەڕێن.
هەڵمەتەکە بە هاوکاری ڕێکخراوی یونسێف و ڕێکخراوی تەندروستی جیهانی بەڕێوەدەچێت بە تێچووی (51731500) دۆلار و سەرجەم منداڵە ئاوارە و ڕاگوێزراوەکانیش دەگرێتەوە کە ژمارەیان (140.934) منداڵە.
- 11-04-2015
This item has been written in (کوردیی ناوەڕاست) language, click on icon
to open the item in the original language!
ئەم بابەتە بەزمانی (کوردیی ناوەڕاست) نووسراوە، کلیک لە ئایکۆنی
بکە بۆ کردنەوەی بابەتەکە بەو زمانەی کە پێی نووسراوە!
This item has been viewed 3,487 times