(میرزا عە‌بدولقادر) یەکێکە لەئەستێرەکانی ئاسمانی وێژەی کوردیی، لە شاری پاوە لەدایکبووە، ناوی باوکی (میرزا محەمەد کوڕی کێخوا جەعفەرە) .
لە تەمەنی چواردە ساڵان دەستیکردووە بەهەڵبەستنووسین، زۆربەی ساڵەکانی ژیانی بەگەڕان بەسەربردووەو زۆربەی شارەکانی ئێراق و تورکیا گەڕاوە، بەو هۆیەشەوە لەو گەڕانەدا فێری زمانەکانی عەرەبی و تورکی و فارسی بووە. لە دوای (60) ساڵ ژیانی پڕبارو پڕ لەسەختی، لە شاری کرماشان دوا ماڵاوایی لەم جیهانە کرد.
(میرزا عە‌بدلقادر) چەندین بەرهەمی بەنرخی هەیە کە یەکێک لەوانە جەنگنامەی (کۆلەو ئایینەمەلە) یە کە بۆ یەکەمجار لەلایەن (مینۆرسکی) و لە ساڵی (1943) بڵاوکراوەتەوە. لەو جەنگنامەیەدا، شاعیر بەشێوازێکی سونبولیک باس لە شەڕی نێوان عوسمانی و ئێران دەکات کە لەنزیکی شاری پاوە ڕوویداوە. لەم جەنگنامە عوسمانییەکان بەکۆلەو ئێرانیەکان بەئایینەمەل بەرانبەرکراون.
یەکێکی تر لەبەرهەمەکانی پرسیارو وەڵامی ئاسمان و زەمینە، کە بەشێوازێکی هونەرمەندانە هونیویەتی و هەتا نەیخوێنی نازانی چ بەرهەمێکی بەنرخە.
یەکێکی تر لەبەرهەمەکانی مەسنەوی شەماڵە، کە شاعیر کە کاک هادی سپەنجی لەسەرەتای دیوانی ئەو شاعیرەدا نووسیویەتی: ئەو بەرهەمە، بەرهەمی دەورانی لاوێتی شاعیر بووە و کاتێکیش ئەو بەرهەمەیە هۆنیوە لەزەیدی خۆی دووربووە و شەماڵی ناردووە بەرەو زەیدی و هەر وەها بۆ لای دلبەر. لەو پارچە شاعیر شاری خۆی بەباشترین شوێنی جیهان دەزانێت.
هەروەها هۆنراوەی عاشقانەی حەیدەرو سنەوبەرو کۆپلە هۆنراوەکانی (ڕۆزەتۆسەفا) و مەنزومەی (گۆل و بولبول) و چەندین بەرهەمی تر، لەو شاعیرە بەناوبانگەوە ماونەتەوە، دیوانی ئەو شاعیرە لەلایەن کاک هادی سپەنجی لە شاری پاوە کۆکراوەتەوە و بەچاپگەیەنراوە، پێشتریش لە بەغدا دیوانەکەی چاپکرابوو.
یەکێک لەپارچە هەڵبەستەکانی ئەو شاعیرە بەناوبانگە کە لەخوارەوە بەشێکی بڵاودەکەینەوە، تێیدا شاعیر داوا لەمەعشوقی دەکات بێت و دڵی ژێروبان بکات و ئەگەر شتێکی تری جودای جگە لەخۆی لەناویا بینی، بەتیری موژگان پارەپارەی بکات و بەوشەی (تۆ) بە جوانترین شێوە کایە دەکات.
سەوقات
شیرینی دۆسان دوعا و سڵامەن
سەوقاتی یاران نامەو پەیامەن
شیرەی موحیبەت مابەین یاران
وەشتەرەن جە تام شیرینی شاران
نوقڵ و شیرینیم نەقڵ نامەی تۆن
هەدیەو بەراتم ڕێزەی نامەی تۆن
باقی تەعاروف ڕەسمی زیادەن
ئیسرافی مەعروف لوقمەی بێدادەن
فەرموودەی مەعدووم سەرای خاک ماوان
دەک وە ڕەحمەت بۆ چ خاس فەرماوان